Tovuq filesi to‘yimli va past kaloriya mahsulotdir. Ko‘p hollarda uni parhezga kiritish tavsiya etiladi. Ayniqsa, qaynatilgan file foydali hisoblanadi, chunki u minimal yog‘ va ko‘p miqdorda vitamin va minerallarni o‘z ichiga oladi. Tovuq go‘shti yumshoq va mazali bo‘lishi uchun uni to‘g‘ri pishirish kerak.
Tovuq filesi pishirilgandan keyin yumshoq va suvli bo'lishi uchun siz faqat yangi mahsulotni ishlatishingiz kerak. Shuning uchun tovuqning yaroqlilik muddatiga e’tibor berish juda muhim. Muzlatilgan emas, sovutilgan go‘shtni pishirgan ma’qul. Bu holatda, tovuq filesi yumshoqroq bo‘lishi bilan birga, ko‘proq ozuqaviy moddalarni o‘zida saqlaydi.
Tovuq filesini 70-75 daraja suv haroratida pishirishingiz kerak. Bundan tashqari, tovuq go‘shtini qizdirilgan suvga solib qo‘yishingiz kerak, shunda u shiraliligini saqlaydi va yumshoq bo‘lib pishadi.
Suvli va yumshoq bo‘lib pishadigan tovuq filesi retsepti:
Kerakli masalliqlar:
- tovuq filesi — 300 g
- suv — 1,5 l
- tuz, murch va ziravorlar — ta’bga ko‘ra
Tovuq filesini ikki qismga bo‘ling va yuving. Kastryulkaga suv quying va 75 daraja haroratda qizdiring. Tovuq filesini idishga soling. Suv qaynashi bilanoq, tuz, ziravorlar qo‘shing, olovni iloji boricha pasaytiring, idishnini qopqoq bilan yoping va fileni 20 daqiqa davomida pishiring. Suv qaynamasligi kerak. Belgilangan vaqtdan keyin go‘sht iste’mol qilishga tayyor bo‘ladi.
Tovuq filesini yanada mazali qilish uchun idishga piyoz yoki lavr yaprog‘ini qo‘shishingiz mumkin. Agar vazn yo‘qotmoqchi bo‘lsangiz, tovuq go‘shtiga minimal miqdorda tuz solib pishiring.
Qaynatilgan tovuq filesining foydali jihatlari
Tovuq filesi parhezda iste’mol qilinadigan mahsulotlardan biri hisoblanadi. U nafaqat tibbiy, balki vazn yo‘qotishga ham yordam beradi. Tovuq filesi minimal miqdordagi yog‘ va uglevodlarni, shu bilan birga juda ko‘p yuqori sifatli proteinni ham o‘z ichiga oladi, bu esa organizm tomonidan oson so‘riladi.
Tovuq filesida ko‘plab: PP, E, H, A va B vitaminlari ham mavjud. Uning tarkibida ko‘p miqdorda sink, temir, kaliy, ftor, fosfor, yod, natriy va boshqa mikroelementlar mavjud.
Agar parhezga tovuq filesini kiritsangiz, tana kerakli oziq moddalarning ko‘p miqdorini oladi. Past xolesterin miqdori bo‘yicha, qaynatilgan tovuq filesi hatto baliq va ba’zi dengiz mahsulotlari bilan raqobatlasha oladi.
Bundan tashqari, tovuq filesini muntazam iste’mol qilish yurak-qon tomir tizimining ayrim kasalliklarini rivojlanishiga to‘sqinlik qiladi va organizmdagi metabolik jarayonlarni normallashtirishga yordam beradi, bu ham salomatlik va ortiqcha vazndan xalos bo‘lish uchun muhim hisoblanadi.
Ushbu mahsulot tarkibidagi glutamin moddasi tufayli qondagi shakar miqdorini tartibga soladi, buyraklarning faoliyatiga ta’sir ko‘rsatadi va asab tizimining faoliyatini yaxshilaydi. Tovuq go‘shti artrit, qandli diabet, oshqozon-ichak yarasi va podagra uchun foydali.
Mavzuga doir:
Izoh (0)