Даставвал, қанча миқдордаги қаҳва кунлик истеъмол қилиш учун меъёр эканини аниқлаб оламиз.
Ўзингизни мустақил равишда даволаманг!Аксар одамлар эрталабни бир чашка қаҳва билан бошлайдилар. Бу уйқуни очишга, кайфиятни кўтаришга ва ўзингизни яхши ҳис қилишга ёрдам беради. Аммо мунтазам қаҳва ичишда эҳтиёткорлик зарар қилмайди: қаҳва соғлиққа зарар бўлиши ҳам мумкин. Қаҳвага ҳаддан ташқари қарам эканлигингизни қандай тушуниш лозим, деб ёзади «Медик Форум».Мақолаларда биз энг сўнгги илмий маълумотлар ва соғлиқни сақлаш бўйича нуфузли мутахассисларнинг фикрларини тўплаймиз. Аммо эсда тутинг: фақат шифокор ташхис қўяди ва даволайди.
Кунига қанча қаҳва ичиш керак?
Қаҳва таркибида кўплаб биологик фаол бирикмалар, жумладан, кофеин мавжуд. Бир стаканда тахминан 100 миллиграмм ушбу модда мавжуд. Тадқиқотчилар 400 миллиграмм кофеинни хавфсиз доза деб ҳисоблашади. Яъни қўрқмасдан кунига тўрт стакан миқдорда қаҳва ичишингиз мумкин. Бир марталик кофеин 200 миллиграммдан ошмаслиги керак.
Камроқ қаҳва ичиш кераклигини қаердан биламиз?
Мутахассисларнинг барчаси қаҳва ичишни камайтириш ёки уни бир муддат бутунлай тарк этиш вақти келганлигини кўрсатадиган тўртта аломатни аниқладилар. Жумладан:
- Ошқозонда зарда қайнаши. Бунинг сабаби кофеин пастки қизилўнгач сфинктерини бўшаштиради. Бу, ўз навбатида, ошқозон кислотасининг қизилўнгачга киришига йўл очади.
- Уйқу билан боғлиқ муаммолар. Сизга уйқуга ётишдан тахминан олти соат олдин қаҳва ичишни тўхтатишингиз тавсия этилади. Бу яхши дам олишни таъминлайди.
- Абстинентлик синдроми. Бошқача қилиб айтганда, бу қаҳвага қарамлик. Агар сиз ушбу ичимликсиз кун қандайдир ҳар доимгидек кетмаётганини ҳис қилсангиз, демак, сизда бунга одат пайдо бўлган. Ундан қадамма-қадам халос бўлиш керак: қаҳвага қарамлик бутунлай йўқолгунча истеъмол қилинадиган кофеин дозасини секин-аста камайтириб боринг.
- Ортиқча вазн тўплаш. Қаҳва тўйимлилик ҳиссини келтириб чиқаради. Шунинг учун бу ичимликдан бир финжон ичган одам тўлиқ овқатланишдан бош тортиши мумкин. Бироқ, тўйинганлик ҳисси йўқолганда, кескин очлик сезилади ва бу кўпинча меъёрдан кўп овқатланиш ва вазн ортишига олиб келади.
Изоҳ (0)