Sirdaryo viloyatining Xovos tumanidagi ikki qavatli uyda gaz portlashi oqibatida ikki kishi vafot etdi, yana bir fuqaro tan jarohati oldi.
Viloyat hokimligi tomonidan e’lon qilingan xabarga ko‘ra, 15-yanvar kuni soat 14:50 da Xovos tumani “Qahramon” MFYda joylashgan ikki qavatli binoning birinchi qavatida sodir bo‘lgan gaz-havo aralashmasining chaqnashi oqibatida ikkita xonadonning qurilish konstruksiyalariga shikast yetgan.
Voqea joyiga viloyat Favqulodda vaziyatlar boshqarmasining yong‘in-qutqaruv otryadi zudlik bilan yetib borib, qidiruv-qutqaruv ishlarini olib borgan.
Hodisa oqibatida ikki nafar fuqaro vafot etgan, bir nafar fuqaro tan jarohati olib, shifoxonaga joylashtirilgan.
Ayni paytda holat yuzasidan tergovga qadar surishtiruv ishlari olib borilmoqda.
Mavzuga doir: Namangandagi xonadonda gaz portladi: ona va bola kuyish tan jarohati oldi
Izoh (0)