Anomal sovuq sabab Qoraqalpog‘istondagi metan zapravkalar faoliyati vaqtincha to‘xtatildi. Bu — jamoat transportining taqchilligiga sabab bo‘ldi. Shunga qaramay Nukusda odamlar bir-birlariga yordam bermoqda. Jo‘qorg‘i Kenges tashabbusi bilan Nukusdagi Damas’larga benzin uchun kompensatsiya berilmoqda.
Yoshlar ishlari agentligi Qoraqalpog‘iston Respublikasi boshqarmasi, respublika Transport vazirligi va shahar hokimligi Nukusda yo‘lovchilarni bepul tashimoqda.
Sovuqda bozorga kelgan nukusliklar o‘z manzillariga bepul olib borilmoqda. Jarayonga aholi ham o‘z hissasini qo‘shib, bepul taksilar soni kundan kunga ortmoqda.
Bu — xalq tilida “
Sao‘apli is — savobli ish” nomini olgan. Nukusda boshlagan bepul taksi harakati Qoraqalpog‘istonning boshqa shahar va tumanlarida ham davom etmoqda.
Mahalliy aholi ham ko‘ngilli ravishda jarayon ishtirokchisiga aylangan. Kimdir mashinasi bilan bepul taksichilik qilsa, kimdir avtoturargohda ular uchun bepul issiq choy, kofe taklif qilmoqda. Jamoat ishida ko‘chalarda ishlayotganlarga ham aholi tomonidan bepul ovqat tarqatilyapti.
Hozirgacha Beruniy, Kegeyli, Amudaryo, Ellikqal’a, Chimboy, Qonliko‘l tumanlari va Nukus shahrida bepul taksilar faoliyat boshladi.
Izoh (0)