“O‘zgidromet” hafta o‘rtalarida havo harorati ko‘tarilishini ma’lum qildi.
Qayd etilishicha, o‘tgan haftada O‘zbekistondagi anomal sovuq ob-havoni belgilagan Qozog‘iston viloyatlari ustidagi sovuq antisiklon zaiflasha boshladi. Bu tendensiya kelgusi kunlarda ham davom etadi.
16-yanvar kunduzi O‘zbekistonda havo harorati 3-8 daraja sovuq bo‘ladi. Haftaning o‘rtalarida kunlik harorat ko‘tariladi: 3 daraja sovuq—2 daraja iliq, kechasi harorat 8-13 daraja sovuq bo‘ladi. Bu harorat ish haftasi oxirigacha saqlanib qoladi.
Bu kunlarda yog‘ingarchilik kutilmaydi. Respublika bo‘ylab tuman tushishi mumkin.
Respublika bo‘yicha ayrim yo‘llarda yaxvonlik saqlanib qoladi. Bundan tashqari, kunduzi havo harorati ko‘tarilgach, uylarning tomidagi qor eriy boshlaydi, sumalaklar paydo bo‘ladi. Shu sababli “O‘zgidromet” ko‘chaga chiqayotganda diqqatli va e’tiborli bo‘lishga chaqirdi.
16-yanvar kuni tog‘li hududlarda qor ko‘chkisi xavfi saqlanib qoladi.
Izoh (0)