Ўзбекистонда ҳафта ўрталарига бориб ҳарорат кўтарилиши кутилмоқда

«Ўзгидромет» ҳафта ўрталарида ҳаво ҳарорати кўтарилишини маълум қилди.

Қайд этилишича, ўтган ҳафтада Ўзбекистондаги аномал совуқ об-ҳавони белгилаган Қозоғистон вилоятлари устидаги совуқ антициклон заифлаша бошлади. Бу тенденция келгуси кунларда ҳам давом этади.

16 январь кундузи Ўзбекистонда ҳаво ҳарорати 3-8 даража совуқ бўлади. Ҳафтанинг ўрталарида кунлик ҳарорат кўтарилади: 3 даража совуқ—2 даража илиқ, кечаси ҳарорат 8-13 даража совуқ бўлади. Бу ҳарорат иш ҳафтаси охиригача сақланиб қолади.

Бу кунларда ёғингарчилик кутилмайди. Республика бўйлаб туман тушиши мумкин.

Республика бўйича айрим йўлларда яхвонлик сақланиб қолади. Бундан ташқари, кундузи ҳаво ҳарорати кўтарилгач, уйларнинг томидаги қор эрий бошлайди, сумалаклар пайдо бўлади. Шу сабабли  «Ўзгидромет» кўчага чиқаётганда диққатли ва эътиборли бўлишга чақирди.

16 январь куни тоғли ҳудудларда қор кўчкиси хавфи сақланиб қолади.