16-yanvar kuni Shavkat Mirziyoyev o‘tkazgan energiya resurslari ta’minotiga doir yig‘ilishda Toshkent shahar hokimi Jahongir Ortiqxo‘jayev lavozimidan olingani xabar qilingandi. Jurnalist Nikita Makarenkoning manbalariga tayanib yozishicha, Ortiqxo‘jayev prezident yig‘ilishidan oldin shahardan chiqib ketishga uringan.
Uning qayd etishicha, sobiq hokim yig‘ilish boshlanishidan avval oilasi bilan Toshkent aeroportida shaharni tark etmoqchi bo‘lgan payti xavfsizlik xodimlari tomonidan to‘xtatib qolingan.
Ma’lumot uchun, Ortiqxo‘jayevning lavozimidan olinishiga qish mavsumiga lozim darajada tayyorgarlik ko‘rmagani sabab qilib ko‘rsatilgan. Shu paytgacha hokim o‘rinbosari sifatida ishlab kelgan Baxtiyor Rahmonov esa vaqtincha hokim vazifasini bajaruvchi etib tayinlangan.
Izoh (1)
Shaxsan men madanyat vazligini kozga korinadigan darjada bir ish qilganini kormaganman bu vazrlik davlat budjeti uchun ortiqcha boladi holos