“Roma” bosh murabbiyi Joze Mourinyo jamoaning transferlarini gapirish vaqtida “Chelsi”ning Mixail Mudrikka sarflagan pullarini ham eslab o‘tdi.
“Sifatni oshirish uchun o‘sadigan yosh futbolchilarni sotib olishimiz kerak. Tohirovichda bu imkon bor. Bizga birinchi pasni yaxshi bera oladigan himoyachi lozim. Kumbulla buni uddalay oladigan ikki futbolchimizdan biri bo‘lsa kerak. Biroq bizga tezligi va qat’iyatini hisobga olsak, Ibanes ham kerak.
Yechim izlash kerak. Biz shunchaki borib, Mudrikni 100 millionga sotib ololmaymiz”, — deydi portugaliyalik mutaxassis.
Eslatib o‘tamiz, “Chelsi” 70+40 million yevro evaziga “Shaxtyor”dan ukrainalik futbolchi Mixail Mudrikni sotib olgandi.
Joze Mourinyo 2004-yildan 2007-yilga qadar, keyin esa 2013-yildan 2015-yilga qadar “Chelsi”ni boshqargan.
Izoh (0)