«Рома» бош мураббийи Жозе Моуриньо жамоанинг трансферларини гапириш вақтида «Челси»нинг Михаил Мудрикка сарфлаган пулларини ҳам эслаб ўтди.
«Сифатни ошириш учун ўсадиган ёш футболчиларни сотиб олишимиз керак. Тоҳировичда бу имкон бор. Бизга биринчи пасни яхши бера оладиган ҳимоячи лозим. Кумбулла буни уддалай оладиган икки футболчимиздан бири бўлса керак. Бироқ бизга тезлиги ва қатъиятини ҳисобга олсак, Ибанес ҳам керак.
Ечим излаш керак. Биз шунчаки бориб, Мудрикни 100 миллионга сотиб ололмаймиз», — дейди португалиялик мутахассис.
Эслатиб ўтамиз, «Челси» 70+40 миллион евро эвазига «Шахтёр»дан украиналик футболчи Михаил Мудрикни сотиб олганди.
Жозе Моуриньо 2004 йилдан 2007 йилга қадар, кейин эса 2013 йилдан 2015 йилга қадар «Челси»ни бошқарган.
Изоҳ (0)