Karlo Anchelotti 13 yil deganda ilk bor finalni boy berdi

Madridning “Real” klubi Ispaniya Superkubogi finalida “Barselona”ga yutqazib qo‘ydi (1:3).

“Real” ustozi Karlo Anchelotti 13 yil deganda ilk bor finalni boy berdi. So‘nggi bor italiyalik mutaxassis “Chelsi” bilan 2010-yilning avgustida  Angliya Superkubogida “Manchester Yunayted”ga yutqazgandi.

Muvaffaqiyatli seriya Anchelotti “Real”ga kelgan 2014-yilda boshlangandi, unda mutaxassis Ispaniya Kubogida zafar quchgandi. O‘sha mavsum jamoa Ispaniya Superkubogini boy bergan, biroq musobaqa g‘olibi ikkita o‘yinda aniqlangani bois bu natija hisobga kiritilmagan. Umumiy miqdorda murabbiy o‘nta finalni yutdi.

Mutaxassis murabbiylik faoliyati davomida 24 ta sovringa ega chiqqan.

Mavzuga doir:

• Xavi murabbiy sifatida 4 ta “El-Klasiko”dan ikkitasini yutdi, ungacha ketma-ket to‘rtta mag‘lubiyat qayd etilgandi
• Karlo Anchelotti Ispaniya Superkubogi final haqida: “Barselona” yaxshiroq edi. Nuqta