Ajoyib ko‘rinish uchun har doim qimmatbaho kosmetika sotib olish shart emas. Hayron qolish mumkin, lekin foydali go‘zallik mahsulotlarining ko‘pchiligi uydan ham topiladi. Faqatgina ulardan qanday qilib to‘g‘ri foydalanishni bilish kerak. “Noviy ochag” nashri kosmetikani tejashga yordam beradigan lafxaklar bilan bo‘lishdi.
Sochdan statik elektrni olib tashlash uchun nam salfetka
Uzun sochlar uchun statik elektr ta’siridan ko‘ra yoqimsiz narsa yo‘q. Sochlarning yuzga yopishishining oldini olish uchun muntazam nam salfetkadan foydalanish lozim. Undagi namlik elektrni zararsizlantiradi.
Niqob va krem o‘rniga yogurt
Quyoshda uzoq vaqt davomida qolib ketganlar krem sotib olishga shoshilmasligi zarur. Muzlatkichda yogurt yoki smetana bo‘lishi mumkin — fermentlangan sut mahsulotlari terini mukammal darajada tinchlantiradi. Aytgancha, yogurt niqobi yordamida dazmol yoki ployka natijasida shikastlangan sochlarni qayta tiklash mumkin.
Tonik o‘rniga olma sirkasi
Olma sirkasi terini yaltirashdan xalos qiladi. Paxtaga ozgina sirka surtiladi va yuz terisi artib olinadi.
Zaytun yog‘i molochko o‘rnini bosadi
Zaytun yog‘ining sog‘liq uchun bir qancha foydalari bor. Ma’lum bo‘lishicha, u nafaqat salatning bir qismi, balki tozalovchi molochko sifatida ham ajoyib natija beradi. Makiyajni tozalash vositalari odatda yog‘li asosga ega, chunki uning yordamida kosmetik vositalarni olib tashlash mumkin. Agar yuz suv va zaytun yog‘i bilan yuvilsa, teri nafaqat tozalanadi, balki silliqlashadi ham.
Ko‘z ostidagi shish uchun ko‘k choy paketlari
Uyda ko‘z ostida paydo bo‘ladigan shishga qarshi krem topilmasligi mumkin. Ammo choy paketlari, albatta, bo‘ladi. Choy barglarida mavjud bo‘lgan kofein shishni bartaraf etishda samarali yordam beradi. Ko‘k choy paketlari sovuq suvga botirilib, 5-10 daqiqa davomida ko‘zlar ostiga qo‘yiladi.
Skotch makiyajga yordam beradi
Agar ko‘zlarga podvodkani bir tekisda chizishni o‘rganmagan bo‘lsangiz, skotchdan foydalaning. Ehtiyotkorlik bilan skotch chizilishi kerak bo‘lgan yo‘nalishda yopishtiriladi. Skotch ustidan chiziladi va chiziq mukammal bo‘ladi. Faqat kipriklarga ehtiyot bo‘lish lozim.
Iste’mol sodasi
Tishlarni oqartirish uchun xalqona usul qo‘l keladi. Tish pastasi va soda aralashmasi bilan tishlar yuviladi. Iste’mol sodasi choy va qahvadan qolgan sariq dog‘lardan xalos qiladi.
Jigarrang shakar skrab o‘rnida
Jigarrang shakar — bu terini tozalash uchun mukammal variant. Uning zarralari o‘lik hujayralarni tozalaydi. Buning uchun shunchaki shakarni sevimli gel bilan aralashtirib, teriga surtish va massaj qilish tavsiya etiladi.
Tish cho‘tkasi va tirnoq pastasi
Ushbu murakkab retsept sarg‘aygan tirnoqlar muammosidan xalos bo‘lishga yordam beradi. Buning uchun tish cho‘tkasi va oqartiruvchi pasta kerak bo‘ladi: tishlar qanday yuvilsa, tirnoqlar ham xuddi shunday yuviladi. Gap shundaki, pasta vodorod perekisni o‘z ichiga oladi va nafaqat sarg‘ishlik bilan, balki tirnoq plastinkasining har qanday rangsizlanishi bilan ham kurashadi.
Qahva va zaytun yog‘i
Biroz iliq qahva ichimligi zaytun yog‘i bilan aralashtirilib, teriga skrab sifatida surtiladi. Qahva donalaridagi kofein sellyulit bilan kurashishga yordam beradi, zaytun yog‘i esa terini namlaydi.
Mavzuga doir:
Izoh (0)