Ажойиб кўриниш учун ҳар доим қимматбаҳо косметика сотиб олиш шарт эмас. Ҳайрон қолиш мумкин, лекин фойдали гўзаллик маҳсулотларининг кўпчилиги уйдан ҳам топилади. Фақатгина улардан қандай қилиб тўғри фойдаланишни билиш керак. «Новий очаг» нашри косметикани тежашга ёрдам берадиган лафхаклар билан бўлишди.
Сочдан статик электрни олиб ташлаш учун нам салфетка
Узун сочлар учун статик электр таъсиридан кўра ёқимсиз нарса йўқ. Сочларнинг юзга ёпишишининг олдини олиш учун мунтазам нам салфеткадан фойдаланиш лозим. Ундаги намлик электрни зарарсизлантиради.
Ниқоб ва крем ўрнига йогурт
Қуёшда узоқ вақт давомида қолиб кетганлар крем сотиб олишга шошилмаслиги зарур. Музлаткичда йогурт ёки сметана бўлиши мумкин — ферментланган сут маҳсулотлари терини мукаммал даражада тинчлантиради. Айтганча, йогурт ниқоби ёрдамида дазмол ёки плойка натижасида шикастланган сочларни қайта тиклаш мумкин.
Тоник ўрнига олма сиркаси
Олма сиркаси терини ялтирашдан халос қилади. Пахтага озгина сирка суртилади ва юз териси артиб олинади.
Зайтун ёғи молочко ўрнини босади
Зайтун ёғининг соғлиқ учун бир қанча фойдалари бор. Маълум бўлишича, у нафақат салатнинг бир қисми, балки тозаловчи молочко сифатида ҳам ажойиб натижа беради. Макияжни тозалаш воситалари одатда ёғли асосга эга, чунки унинг ёрдамида косметик воситаларни олиб ташлаш мумкин. Агар юз сув ва зайтун ёғи билан ювилса, тери нафақат тозаланади, балки силлиқлашади ҳам.
Кўз остидаги шиш учун кўк чой пакетлари
Уйда кўз остида пайдо бўладиган шишга қарши крем топилмаслиги мумкин. Аммо чой пакетлари, албатта, бўлади. Чой баргларида мавжуд бўлган кофеин шишни бартараф этишда самарали ёрдам беради. Кўк чой пакетлари совуқ сувга ботирилиб, 5-10 дақиқа давомида кўзлар остига қўйилади.
Скотч макияжга ёрдам беради
Агар кўзларга подводкани бир текисда чизишни ўрганмаган бўлсангиз, скотчдан фойдаланинг. Эҳтиёткорлик билан скотч чизилиши керак бўлган йўналишда ёпиштирилади. Скотч устидан чизилади ва чизиқ мукаммал бўлади. Фақат киприкларга эҳтиёт бўлиш лозим.
Истеъмол содаси
Тишларни оқартириш учун халқона усул қўл келади. Тиш пастаси ва сода аралашмаси билан тишлар ювилади. Истеъмол содаси чой ва қаҳвадан қолган сариқ доғлардан халос қилади.
Жигарранг шакар скраб ўрнида
Жигарранг шакар — бу терини тозалаш учун мукаммал вариант. Унинг зарралари ўлик ҳужайраларни тозалайди. Бунинг учун шунчаки шакарни севимли гел билан аралаштириб, терига суртиш ва массаж қилиш тавсия этилади.
Тиш чўткаси ва тирноқ пастаси
Ушбу мураккаб рецепт сарғайган тирноқлар муаммосидан халос бўлишга ёрдам беради. Бунинг учун тиш чўткаси ва оқартирувчи паста керак бўлади: тишлар қандай ювилса, тирноқлар ҳам худди шундай ювилади. Гап шундаки, паста водород перекисни ўз ичига олади ва нафақат сарғишлик билан, балки тирноқ пластинкасининг ҳар қандай рангсизланиши билан ҳам курашади.
Қаҳва ва зайтун ёғи
Бироз илиқ қаҳва ичимлиги зайтун ёғи билан аралаштирилиб, терига скраб сифатида суртилади. Қаҳва доналаридаги кофеин селлюлит билан курашишга ёрдам беради, зайтун ёғи эса терини намлайди.
Мавзуга доир:
Изоҳ (0)