Yuz kremidan ajoyib mo‘jizalarni kutib bo‘lmaydi, ammo baribir u foydali bo‘lishi kerak: namlantirish, oziqlantirish, mayda ajinlar bilan kurashish va terini yanada elastik qilish. Ko‘pincha u to‘g‘ri qo‘llanilmasa, mukammal kompozitsiyaga ega bo‘lgan eng yuqori sifatli krem ham natija bermaydi, deb yozadi “Noviy ochag”.
Qo‘llashdan oldin terini yetarlicha tozalamaslik
Yuz terisini ko‘pincha suv yoki hatto penka bilan yuvish yetarli emas. Ba’zan teri teshiklari shunchalik chuqur tiqilib qoladiki, uni sezish qiyin. Muammoni oddiygina hal qilish mumkin: yuzni yuvgandan keyin terini mitselyar suvi bilan artib olish tavsiya etiladi. Krem samara berishi uchun uni faqat yaxshilab tozalangan va bug‘da yumshagan teriga qo‘llash lozim.
Sovuq kremdan foydalanish
Ko‘pchilik kremlarni muzlatkichda saqlaydi (agar yorliqda buni qilmaslik kerak deb yozilmagan bo‘lsa) va buning hech qanday yomon joyi yo‘q — vosita haqiqatan ham uzoq vaqt davomida saqlanadi. Ammo yuzga sovuq kremni qo‘llashning foydasi yo‘q, chunki tarkibiy qismlar muzlaydi va ularning samaradorligi bir necha bor pasayadi. Mahsulotni ishlatishdan bir soat oldin uni muzlatkichdan olib qo‘yish lozim.
Kremni barmoqlar bilan olish
Ushbu qoida birinchi navbatda konservantlardan holi bo‘lgan organik kosmetikaga tegishli. Dumaloq idishdagi yuz kremlari barmoqlardagi bakteriyalar bilan kimyoviy reaksiyaga kirishib, uning asl tarkibini o‘zgartiradi. Shuning uchun, kremni olishda maxsus tayoqchadan foydalanish lozim.
Kremni massaj chiziqlari bo‘ylab qo‘llamaslik
Kremning ta’sri nafaqat uning tarkibiga, balki qo‘llash usuliga ham bog‘liq. Agar mahsulot oddiy harakatlar bilan yuzga surtilsa, samarani kutishning keragi yo‘q. Kremni yengil harakatlar, barmoq uchlari bilan tarqatish kerak bo‘lgan maxsus massaj chiziqlari mavjud. Har oqshom va ertalab yuzni massaj qilish — harakatlar markazdan atrofga tarqalgan bo‘lishi kerak.
Yotishdan 5 daqiqa oldin tungi kremdan foydalanish
Tungi kremni, albatta, kechasi qo‘llash kerak. Faqat uni surtgandan so‘ng darhol yonoqni yostiqqa bosish kerak degani emas, bu bilan kremning hammasi yostiq jildiga yopishadi. Uyquga ketishdan oldin kremni yuz terisi yaxshilab shimib olishi uchun kamida 40 daqiqa oldin qo‘llash lozim.
Tungi kremni yuvmaslik
Ertalab tungi kremdan asar ham qolmasligi shubhasiz. Chunki tuni bo‘yi yuz terisi kremni shimib oladi, tongda esa yuz terisida shunchaki yog‘langanini ko‘rish mumkin. Ammo bundan vaziyatda yuz terisini oddiy suv bilan yuvib bo‘lmaydi. Maxsus gel yoki penkadan foydalanish shart.
Ko‘chaga chiqishdan oldin kunduzgi kremdan foydalanish
Yana bir keng tarqalgan xato — kremni tashqariga chiqishdan oldin qo‘llash. Uydan chiqishdan bir soat oldin kunduzgi kremni ishlatish to‘g‘ri bo‘ladi — bu vaqtdan keyin mahsulotning qolgan qismini salfetka bilan xavfsiz ravishda artib olish mumkin, chunki teri allaqachon kerakli barcha moddalarni singdirib olgan bo‘ladi.
Oziqlantiruvchi kremdan ko‘p foydalanish
Oziqlantiruvchi krem kosmetik sumkada bo‘lishi kerak, lekin hatto eng qimmat va yuqori sifatli mahsulot ham ko‘p ishlatilsa zarar yetkazishi mumkin. Oziqlantiruvchi kremni haftasiga 2-3 marta qo‘llash va qolgan vaqtlarda oddiy namlovchi vositadan foydalanish tavsiya etiladi. Aks holda shunchaki teriga zarar yetadi, kerakli moddalarni ishlab chiqarishni to‘xtatadi, tabiiy immunitetini yo‘qotadi.
Kremni me’yordan ortiq qo‘llash
Barcha harakatlarni bekor qiladigan yana bir keng tarqalgan xato — bu kremni juda qalin qatlam bilan surtish. Bu saxiylik teriga foydadan ko‘ra ko‘proq zarar keltiradi. Teriga qancha krem surtilsa ham, u so‘rilib ketishi mumkin. Lekin yuz terisi teshiklari shunchaki krem bilan qoplanadi, teri nafas olmaydi, bu uning erta qarishiga olib kelishi mumkin.
Yillar davomida parvarish vositalarini o‘zgartirmaslik
Teriga juda mos keladigan sevimli krem ham uni yillar davomida ishlatish mumkin degani emas. Haqiqat shundaki, teri har qanday ta’sirga juda tez o‘rganib qoladi va kosmetika tarkibidagi faol moddalar o‘z ta’sirini to‘xtatadi. Buning oldini olish uchun har 2-3 oyda bir marta terini har qanday murakkab mahsulotlardan dam oldirish lozim. Yana foydali moddalarni sezishni boshlash uchun teriga parhez kerak. Bu vaqt ichida eng oddiy bolalar kremiga o‘tish va keyin yana sevimli mahsulotga qaytish mumkin.
Izoh (0)