Qishda inson terisi ko‘proq quriydi, ko‘chib tushadi, ba’zida hatto qichishish va og‘riq ham kuzatiladi. Teri qurib ketishining oldini olish uchun mutaxassislar dushdan keyin sochiqdan foydalanmaslikni maslahat beradi, deb yozadi The Voice Mag.
Ma’lum bo‘lishicha, sochiqdan foydalanish suvli muolajalarni bajarishdagi majburiy bosqich emas. Albatta, tezroq qurinish, kiyinish va ishni davom ettirish odati mavjud. Biroq bu yondashuv teriga salbiy ta’sir ko‘rsatishi mumkin, ayniqsa, qishda.
Tashqari sovuq, uyda isituvchi qurilmalar ishlayotgan vaqtda teri himoyasiz holatda bo‘ladi. Shuning uchun qishda teri uchun mo‘ljallangan kremlardan ko‘proq foydalanish kerak, ular namlantiruvchi ta’sirga ega.
Dush qabul qilgandan so‘ng darhol teriga oziqlantiruvchi va namlantiruvchi mahsulotlar qo‘llanishi kerak. Shuning uchun dermatologlar sochiqdan foydalanishni maslahat bermaydi. Kremni nam teriga qo‘llash namlikni ko‘proq ushlab turishga yordam beradi va quruqlik hamda teri ko‘chishini kamaytiradi.
Albatta, kremni nam teriga qo‘llash, keyin uning qurishini kutish lozim. Shunga qaramay, bu usulni kamida bir marta sinab ko‘rish tavsiya etiladi.
Agar qishda sochiqlardan butunlay voz kechishga tayyor bo‘lmasangiz, bu jarayonni haftasiga kamida 1-2 marta bajarishga harakat qilish lozim. Qolgan vaqtda esa, dushdan keyin terini shikastlamaslik uchun keskin harakatlardan saqlanish kerak. Tanani sochiq bilan muloyimlik bilan artib olish, keyin kremni qo‘llashni unutmang!
Izoh (0)