Bugun,

  • USD 11095.31
  • RUB 173.84
  • EUR 10772.44

Keratin yordamida sochlarni tekislash nihoyatda ommalashgan usul. Bu sochlarni tekis va ipakdek mayin qiladigan bahsli protsedura bo‘lib, ayrimlar keratindan keyin sochning tabiiyligi yo‘qoladi, degan qat’iy fikrni bildirsa, boshqalar esa uni alqashadi. Harper’s Bazaar Kazakhstan nashri keratinning vazifasi nima ekanligi va jingalak sochlarga ta’siri xususida so‘z yuritadi.

Foto: “harpersbazaar.kz”

Foto: “harpersbazaar.kz”

Keratin sochlarning tuzilishini shakllantiradigan va tashqi ta’sirlardan himoya qiluvchi oqsildir. Qolaversa, keratinning sochlarni tekislashi xususiyati proteinning yuqori haroratda kimyoviy eritma shaklida sochga qo‘llanilishiga asoslanadi. Shunday qilib, tarkibida formaldegid bo‘lgan suyuq keratin toza sochlarga surtiladi. So‘ngra dazmol yordamida tekislanadi, shunda soch tolasida himoya “plyonkasi” hosil bo‘ladi, u bir necha oy mobaynida shampun va boshqa vositalar bilan yuvganda ham soch tekisligini saqlab qolishga yordam beradi.

Biroq shu yerda muhim jarayon boshlanadi. Gap shundaki, ko‘plab mutaxassislar formaldegiddan foydalanishni xush ko‘rmaydi. Ma’lum bo‘lishicha, u astma, og‘ir allergik reaksiyalarni keltirib chiqarishi va hatto ko‘zning to‘r pardasiga ham ziyon yetkazishi mumkin. Bundan tashqari, yuqori harorat sochning o‘ta darajada qurishiga sabab bo‘ladi. Bunga tekislash tarkibida keyinchalik sochlarning mo‘rtlashishi va sinishiga sabab bo‘ladigan vositalar ishlatilishini ham qo‘shing.

Foto: “harpersbazaar.kz”

Foto: “harpersbazaar.kz”

Tabiiy tekis sochga ega bo‘lgan qizlar jingalak qilishga, jingalak sochlilar esa sochlarini tekislashga intilishlarini hech kimga sir emas. Keratin bilan soch tekislash barcha soch turlariga mos kelsa-da, jingalak sochli qizlar eng sezilarli natija bilan maqtansa bo‘ladi. Shuningdek, hamisha yodda tutish kerakki, tekislash usuli turli xil sochlarga kutilmagan tarzda ta‘sir qilishi mumkin, shu jumladan, soch tolasining rangini biroz o‘zgartirishi mumkin.

Keratin bilan sochlarni tekislash ham samarali, ham xavfli ta’sirga ega ekanligini qayd etish kerak. Shuning uchun yillik kursini har 2-3 oyda takrorlash tavsiya etiladi. Biroq hamma narsa individual va kundalik parvarishlarga bog‘liq. Misol uchun, agar ehtiyotkorlik bilan parvarish qilinsa, ta’sir 7-8 oygacha davom etishi mumkin.

Foto: “harpersbazaar.kz”

Foto: “harpersbazaar.kz”

Shuning uchun keratin protsedurasidan so‘ng darhol soch yuvish vositalarini sulfatsiz shampunlar bilan almashtirish kerak, ularga professional niqoblar qo‘shishni unutmang. Bundan tashqari, dengiz yoki basseynda cho‘milishdan tiyilish kerak, chunki qattiq suv keratin bilan qoplangan sochlarga salbiy ta’sir qiladi.

Mavzuga doir:

Izoh
Asosiy yangiliklar
Mahalliy
Xorazm viloyati sudlari 3-sinf o‘quvchilariga shahvoniy shilqimlik qilgan o‘qituvchi besh sutkaga qamalgani bo‘yicha ma’lumot berdi
Mahalliy
Amrillo Inoyatov O‘zbekistondagi tug‘uruq komplekslari faoliyatini tanqid qildi
Mahalliy
Cobalt, Lacetti, Damas, Nexia ishlab chiqarish to‘xtatilmagan. Sotuvda yo‘q ushbu avtomobillar qayerga “ketayotgani” maʼlum qilindi