Ovqat pishirayotganda kuyib qolmang, salat qilayotganda barmog‘ingizni kesib olmang, oshxonadan boshqa xonalarga o‘tayotganda shkaflar qirralariga turtinib ketmang, ehtimol, sizning uyingizda ham ana shunday “qobiliyat egasi” kimdir topilar. Balki bu sizning o‘zingizdir?
Shunday qilib, biz muzlatgichdagi dori-darmonlar — har doim sizda bor bo‘lgan mahsulotlar bilan birinchi yordamni ko‘rsatamizHilvira uchun sho‘rvani ertaroq qaynatishga qo‘yarsiz, tuxum qovurarsiz. Qizib turgan tova o‘zidan yog‘ purkaganda, qaynab turgan sho‘rva ta’mini tatib ko‘rganda, hatto, qaynoq bug‘dan kuyib qolish hech gap emas. Zudlik bilan og‘riqni kamaytirishga, kuyishdan keyingi asoratlarning oldini olishga shoshilamiz. Bunday paytda nima qilish kerak?
- Agar qaynoq qopqoqni ushlab olib, barmog‘ingizni kuydirib olgan bo‘lsangiz, uni krandan oqib turgan sovuq suv ostida biroz ushlab turing va iste’mol sodasiga chuqur botiring. Qo‘lingizni olganda qor tushgandek bo‘lib ko‘rinadi. Soda o‘z-o‘zidan qurib, to‘kiladi shunda og‘riq o‘tib ketadi, siz qo‘lingizdagi kuyish jarohatini ortiq ko‘rmaysiz.
- Og‘irroq darajada kuyib qolganda jarohatlangan qismga qarab quyidagilarni qilish kerak: (agar kuyish og‘irroq bo‘lsa, tez yordam yetib kelgunga qadar bu usul qo‘l keladi). Xom tuxumning oqini sarig‘idan alohida idishga ajratib olamiz. So‘ngra qo‘l, oyoq, qorin ya‘ni kuyish jarohatini olgan joylarga muzdek tuxum oqini sekinlik bilan quyib chiqamiz va tez yordam kelishini kutamiz. Agar kuyish jarohati kichik, deylik, tangadek joy bo‘lsa, biroq og‘riq kuchli bo‘lsa, ikki dona tuxumni yuqorida yozilganidek oqini sarig‘idan ajratib olamiz. Bizga ichi ko‘rinib turadigan yupqa plyonka kerak bo‘ladi — tuxum oqini uning ichiga solib, jarohatlangan qismga ehtiyotkorlik bilan yopishtirib qo‘yamiz. Jarohat joyi to‘liq yopilishi kerak. Plyonka qurib qolganda, uni sekingina olib tashlang. Hech qanday og‘riq qolmaydi va bir necha soat ichida qizarish butkul yo‘qoladi.
- Kamdan-kam hollarda bo‘lsa ham, tilimizni qaynoq taomdan kuydirib olamiz. Qanchalar og‘riqli hissiyot! Og‘riqni kamaytirish uchun nima qilish kerak? Muzlatkichdan yogurtni oling. Bir qoshiq yogurtni til ustiga bostiring va iliqlashguncha kutib turing, so‘ng yogurtni yutib yuboring. Shunday qilib buni bir necha marotaba takrorlang. Ikkinchi variant — bu muzqaymoq yoki mevali muz bo‘lakchalari bo‘lishi mumkin. Agar tilingizni va og‘zingizni achchiq qalampir bilan kuydirib olgan bo‘lsangiz, unda sizga banan, bodring yoki shokolad yordamga keladi. Bularning barchasini og‘izni sovuq suv bilan yuvib tashlagandan so‘nggina iste‘mol qiling.
Bilamiz, qish mavsumi bo‘lgani bilan hamma narsani topish oson. Bozorlar to‘kin-sochin. Narxlar turlicha bo‘lsa-da, har holda, istalgan rezavor meva yoki sabzavotlarni sotib olish mumkin. Murabbo yoki jem tayyorlash, qovun va tarvuzdan tatib ko‘rish xuddi asalari chaqishi kabi tabiiy. Diqqatni jamlaylik va o‘zimizga yoki jabrlanuvchiga yordam ko‘rsataylik. Choralar faqat mahalliy zararlangan joy uchun yordam beradi.
- Bir dona piyozni, yarmidan kesib oling (qobig‘ini tozalashning hojati yo‘q) va arining nishi yo‘qligiga ishonch hosil qilib, o‘sha joyga bosing. Agar arining nishi teri ostida qolib ketgan bo‘lsa, avval uni chiqazib oling va piyozni bostiring. Piyoz yuz dardga davo — yarani zararsizlantiradi va qizarish, og‘riqni bartaraf etadi.
Barmoqni kelib olganda oqayotgan qonni qanday to‘xtatish kerak?
Biror uy bekasi sabzi, piyoz, to‘g‘raganda qo‘lini kesib olmagan bo‘lishi mumkin emas. Umuman olganda, pichoq bilan qo‘lni kesib olish aksar hollarda taom tayyorlash jarayonida sodir bo‘ladi. Bu paytda jarohat joyidan to‘xtovsiz qon oqishi kuzatiladi. Qonni to‘xtatish uchun nima qilish kerak?
- Shakar. Yaxshirog‘i shakar upasi. Siz shakar upasini kesilgan joyga sepsangiz, u tezda qonni so‘rib oladi va bu bakteriyalar ko‘payishini to‘xtatadi deganidir. Infeksiya tushmaydi va yara tezroq bitadi. Qon to‘xtaganda shakar upasini ehtiyotkorlik bilan qoqib tashlaymiz va taom tayyorlashda davom etamiz.
- Sizning asalga allergiyangiz bo‘lmasa va qo‘lingizda antiseptik yo‘q bo‘lsa, yarani u bilan davolay olasiz. Uning harakati shakar bilan deyarli bir xil. Boshqa usul: sabzini kesib olamiz. Asalni u bilan surtamiz va yaraga bog‘lab qo‘yamiz.
Yo‘lakdan chiqib qolgan shkaf eshigiga urilib ketdingizmi? Demak, bu vaziyatda shish va ko‘karish kafolatlanadi. Oziq-ovqat dorixonasi yordamga shoshadi. Shish va ko‘karishni oldini oladigan eng yaxshi narsa muzlatkichdagi barra go‘sht. Siz uni og‘riqli joyga qo‘yasiz va mahsulotning yomonlashishi mumkin (isib qolishi, rangi o‘zgarishi). Taxminan yarim soat o‘tgach, uni yangisiga o‘zgartirish mumkin. Agar harakat qilishingiz kerak bo‘lsa, uni bint bilan bog‘lab oling. Uyga ko‘zi ko‘karib kelgan yosh futbolchi uchun ham bu ajoyib davodir.
Olma sirkasi bilan kompress nafaqat varikoz tomirlari bilan kurashishda, balki zarba, ko‘karishlar shishishida ham yordam beradi. Dokali matoni ozgina suyultirilgan sirka eritmasiga botiring. Jarohat joyiga sirkali dokani keyin polietilen paketni bostirib bog‘lang. Shu holda bir soat kuting. Agar ta‘siri sezilmasa, jarayonni bir necha marta takrorlash mumkin.
Tomoq og‘riganda eng samarali davo choralari
Tomoq og‘rig‘i aslo maishiy jarohat emas, ammo beriladigan maslahat o‘z tasdig‘ini topgan. Sizda kutilmaganda tomoq og‘rig‘i, unda qichishish boshlansa, siz tomoq hali zarar ko‘rmasdan turib, kasallikning oldini olishingiz mumkin. Bir dona limoni olib, uni bir necha bo‘laklarga bo‘lib oling. Chalqancha yotgan holda limonni og‘zingizga solib, sizni bezovta qilayotgan tomoqning quyi qismlariga limon suvi yetib borishini ta’minlang. Va bu usulni kuniga uch martagacha takrorlang. Ertalabga qadar tomog‘ingizda hech qanday og‘riq asoratlari qolmaydi.
Mavzuga doir:
Izoh (0)