Buxoro viloyatida ishlab chiqarish sexi qurish uchun ajratilgan yer maydonini sotmoqchi bo‘lgan firibgar ushlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departament hamda IIVning Buxoro viloyati boshqarmalari tomonidan tezkor tadbir o‘tkazilgan. Unda fuqaro E.X. 2018-yilda ishlab chiqarish sexi qurish uchun sotish huquqisiz ajratilgan yer maydonining 50 sotixini fuqaro N.N.ga firibgarlik yo‘li bilan 75 000 dollarga sotishga kelishgani aniqlangan. U keyinchalik hujjatlarini rasmiylashtirib berishini aytib, oldindan 20 000 dollarni olgan vaqtida ashyoviy dalillar bilan qo‘lga tushgan.
Holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Izoh (0)