Бухоро вилоятида ишлаб чиқариш цехи қуриш учун ажратилган ер майдонини сотмоқчи бўлган фирибгар ушланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департамент ҳамда ИИВнинг Бухоро вилояти бошқармалари томонидан тезкор тадбир ўтказилган. Унда фуқаро Э.Х. 2018 йилда ишлаб чиқариш цехи қуриш учун сотиш ҳуқуқисиз ажратилган ер майдонининг 50 сотихини фуқаро Н.Н.га фирибгарлик йўли билан 75 000 долларга сотишга келишгани аниқланган. У кейинчалик ҳужжатларини расмийлаштириб беришини айтиб, олдиндан 20 000 долларни олган вақтида ашёвий далиллар билан қўлга тушган.
Ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилган. Ҳозирда тергов ҳаракатлари ўтказилмоқда.
Изоҳ (0)