2022 йил охирида Хитойнинг истеъмол нархлари индекси (CPI) (инфляциянинг асосий кўрсаткичи) 2 фоизни ташкил этди. Бу ҳақда Хитой Давлат статистика бошқармасига таяниб, «Коммерсантъ» хабар бермоқда.
Хитойда ўтган йил давомида автомобиллар учун ёнилғи нархи энг кўп кўтарилди — 20,9 фоизга ошди. Шунингдек, мева таннархи 12,9 фоизга ошган. Нархларни пасайиши бўйича биринчи ўринда чўчқа гўшти туради, у 6,8 фоизга арзонлади.
2022 йил декабрь ойида инфляция даражаси 1,8 фоизни ташкил этди. Озиқ-овқат маҳсулотлари 4,8 фоизга, истеъмол товарлари 2,6 фоизга, бошқа товарлар 1,1 фоизга қимматлашди.
2020 йил охирида CPI 2,5 фоиз, 2021 йил 0,9 фоизеди. 2021 йилда Хитой ҳукумати инфляцияни 3 фоизга кўтаришни мақсад қилганди.
Хитой Ўзбекистоннинг ташқи савдодаги асосий ҳамкори ҳисобланади. Ўзбекистонда инфляция 2022 йилда 12,3 фоизни ташкил қилган.
Изоҳ (0)