Estoniya mamlakatda muzlatilgan Rossiya aktivlarini Ukrainaga o‘tkazish imkonini beruvchi qonunchilik bazasini 2023-yilning yanvar oyi oxirigacha yaratishni rejalashtirmoqda. Bu haqda Estoniya Tashqi ishlar vazirligi rasmiy vakili Mixel Tammga tayanib, Bloomberg xabar berdi.
Shunday qilib, Estoniya Yevropa Ittifoqida Rossiya aktivlarini Kiyevga o‘tkazadigan birinchi davlatga aylanishi mumkin, chunki boshqa davlatlar bunday mexanizm yaqin orada yaratilishini e’lon qilganicha yo‘q, deb ta’kidlaydi Bloomberg.
Avvalroq Bloomberg nemis hukumatidagi manbalarga tayanib, Germaniya ham Rossiya aktivlarini Ukrainaga o‘tkazish imkoniyatini ko‘rib chiqayotgani, u yerda taxminan 5 milliard yevro muzlatib qo‘yilgani haqida xabar bergan edi. Biroq Berlin Yevropa Ittifoqining kuchlarni birlashtirish pozitsiyasini kutmoqda va sud jarayonlari to‘lqiniga olib kelishi mumkin bo‘lgan xavfli yakka qadamlarga tayyor emas.
Estoniya tomonidan muzlatilgan Rossiya mablag‘larining umumiy miqdori 20 million dollarni tashkil qiladi. Umuman olganda, Yevropa Ittifoqi Rossiyaning 68 milliard yevrolik aktivlarini muzlatib qo‘ygan, bu mablag‘ning 90 foizi Belgiya, Lyuksemburg, Italiya, Germaniya, Irlandiya, Avstriya va Fransiyaga to‘g‘ri keladi.
Izoh (0)