2023-yilning dastlabki kunlarida “Cheburashka” filmi Rossiyada kassabopligi bo‘yicha rekord o‘rnatdi. Film shu qadar mashhur bo‘lib ketdiki, u yanvar oyining birinchi besh kunidayoq film budjetini uch baravari bilan oqladi.
Bu butunlay boshqacha hikoya
Bolaligida Eduard Uspenskiy ertagi asosidagi “Cheburashka” multfilmini ko‘rmagan odam bo‘lmasa kerak. Ammo yangi hikoya butunlay boshqacha. Sujet butunlay yangi bo‘lsa-da, albatta, nostalgiya ham e’tibordan chetda qolmagan.
Xullas, Cheburashka bu safar Lotin Amerikasining qayerdadir “apelsin mamlakati”da yashaydi, u yerda odamlar apelsin yetishtirib, daromad olishadi. Shalpangquloq jonivorcha apelsinxo‘r bo‘lib chiqadi — plantatorlar undan bezor. Ammo bir kun kuchli tornado bu hayvonni Rossiyaning janubiga olib ketadi. Va u dengiz bo‘yidagi shaharda, mahalliy daraxtzorni obodonlashtirish bilan shug‘ullanadigan bog‘bonning uyiga kelib qoladi.
Gena bu yerda timsoh emas
Aslida film qahramoni ham emas. Film rejissori Dmitriy Dyachenko shunga qaror qildi. Ehtimol, tomoshabin afsonaviy Gena mahalliy daraxtzorning jahldor qo‘riqchisi ekanini tezda payqamas, lekin bu haqiqatan ham u. Bu safar u shunchaki odam. Biroz sotsiopat, befarq va g‘amgin odam... Tabiatan esa haqiqiy timsoh.
Hamma uchun qiziqarli film
Filmda 6+ yosh chegarasi mavjud. Bu shuni anglatadiki, yosh bolalar bilan ham kinoteatrga borish mumkin — kattalar nostalgiya uchun, bolalar katta quloqli mitti jonivor bilan tanishish uchun.
Film uch kun ichida o‘zini oqladi
Har bir film ham bunday muvaffaqiyatga erisha olmaydi. Yilning birinchi kunida “Cheburashka” 225 million rubl yig‘di. 2-yanvar kuni kassa tushumlari 362 million rublni tashkil etdi. Yanvar oyining birinchi besh kunida kassa tushumlarining umumiy miqdori 2 milliard rubldan oshdi. Bu rus kinosi tarixidagi rekorddir. Filmni suratga olish uchun jami 850 million rubl sarflangan. Ma’lum bo‘lishicha, “Cheburashka” allaqachon besh kun ichida bir necha bor o‘zini oqlagan.
Kartina chiroyli joylarda suratga olingan
Film Sochi, Kislovodsk, Pyatigorsk va Moskva viloyatida suratga olingan. Siz go‘zal manzaralarni, yashil o‘simliklarni, shuningdek, dengiz bo‘yidagi shaharlarning ko‘rinishini ko‘rasiz.
Sovet kurortlari ham tasvirlangan
Kartina ijodkorlari Cheburashkani dengiz bo‘yidagi kichik, sovet shaharchasiga, o‘ziga xos retro dunyoga “ko‘chirish”ga harakat qilishdi. Bundan tashqari, o‘tgan asr me’morchiligi, Stalin imperiyasi uslubidagi kichik shinam ko‘chalar, ko‘plab yashilliklar — bularning hammasi katta yoshdagi tomoshabinlari bolalikka qaytaradi.
Motorli skuterlar tiklandi va yana “eskirdi”
Genaning motorli skuteri SSSRda 1959-yildan beri ishlab chiqarilgan mashhur “Muravey” hisoblanadi. Film uchun suratga olish guruhi “Avito”da uchta shunday skuter sotib oldi, demontaj qildi, tozaladi, bo‘yadi va yana “eskirtirdi”.
Genaning uyi bir oyda qurildi
Genaning uyi Orjonikidze sanatoriysi hududida qurilgan. Bu uy atrofida qadimiy daraxtlari bo‘lgani sababli butun manzarani tasvirlashning iloji yo‘q edi, faqat minora va qishki bog‘ yaratilgan. Qolgan hamma narsa pavilyonda qurilgan. Biroq Genaning uyini yaratish uchun taxminan bir oy vaqt ketdi. Rassomlar uy yaqinida butalar ekishdi, gul o‘tqazishdi, maysazor yotqizishdi, ammo suratga olingandan so‘ng ularning barchasini buzishga to‘g‘ri keldi.
Mavzuga doir:
Izoh (0)