“Uenzdey” serialidagi Jenna Orteganing g‘alati, ammo sehrli raqsi Netflix’ning YouTube kanalida bir oy ichida 30 million marta ko‘rildi va fleshmobni boshlab berdi.
Aktrisa tomonidan ixtiro qilingan xoreografiyani nafaqat tendensiyalardan ortda qolmagan Ledi Gaga va Kim Kardashyan, balki Entoni Xopkins tomonidan ham takrorlashga harakat qilindi, shuning uchun bu sahnani allaqachon kult deb atash mumkin. Keling, jahon kinosi tarixidagi yana qanday ajoyib va mashhur raqslar bo‘lganini yodga olamiz.
“Yomg‘ir ostida kuylovchilar” (1952)
“Singin in the Rain” qo‘shig‘i xuddi shu nomdagi musiqiy filmni Gollivudning “oltin davri” klassikasiga aylantirdi. Bosh rolni o‘ynagan aktyor suratga olish maydonchasida tez-tez tajriba o‘tkazadi va texnik jihatdan murakkab raqslarni o‘ylab topadi, ammo ularning hech biri tomoshabinlarda bu qadar kuchli taassurot qoldirmadi. Bunga ajablanmasa ham boladi: yomg‘ir yog‘ayotganda piyodalar yo‘lakchasida qimmatbaho tuflisi bilan raqsga tushayotgan, ko‘lmaklarda o‘ynab, bordyurlarda maza qilib sakrab yurgan Jin Kelli hech kimni befarq qoldirmadi.
“Ayol tarovati” (1992)
“Hayot u yoqda tursin, tangoda ham xatolik yo‘q. Bu juda oddiy, shuning uchun tango juda ajoyib raqs. Agar xatoga yo‘l qo‘ysangiz — xuddi shunday bo‘lishi kerak deb o‘ylang va raqsga tushavering. Nega harakat qilmaysiz?” shunday deb “Ayol tarovati” filmida ko‘rish qobiliyatini yo‘qotgan nafaqadagi podpolkovnik Frenk Sleyd restorandan notanish ayolni raqsga taklif qiladi. Qiz, shubhasiz, taklifdan xijolat bo‘ladi, lekin baribir rozi bo‘ladi. “Por una cabeza” ehtirosli musiqasining kombinatsiyasi, asta-sekin qahramonlar o‘rtasida hissiy yaqinlik va o‘chmas taassurot qoldiradi.
“Jinoiy asar” (1994)
Jinoiy asar o‘ziga xos klassika bo‘lib, tanlovda bosh sovrinni qo‘lga kiritgan Mia va Vinsentning ajoyib raqsi Chak Berrining 1964-yilda yozilgan “You Never Can Tell” qo‘shig‘ining mashhurligini tom ma’noda qaytardi. Jon Travolta va Uma Turman o‘rtasida sezilarli yaqinlik paydo bo‘ladi. Bu shafqatsiz, betartiblik bilan to‘ldirilgan haqiqat o‘rtasida samimiy zavq va erkinlik lahzasi bo‘lib, qahramonlar bu kontrastga qarshi raqs bilan javob beradi.
“Garri Potter va o‘lim tuhfasi” (2010)
Agar hali ham erkak va ayol o‘rtasidagi do‘stlikka ishonmasangiz, unda Rouling “Garri Poter”ining butun seriyasi orqali haqiqiy do‘stlik mavzusini boshqaradi, bu esa odamga barcha qiyinchiliklarni yengish uchun kuch beradi. Butun uchlikning munosabatlari shunday edi, lekin Garri va Germiona o‘ziga xos aloqaga ega edilar — magllar tomonidan tarbiyalangan va ular uchun yangi sehrli dunyoda bir-birlaridan yordam topadigan bolalar edi. Garchi bu sahna kitob versiyasida bo‘lmasa ham, yettinchi filmdagi chodirdagi raqs qahramonlarning deyarli oilaviy rishtalarini eng samimiy ochib beradi. Ron ketgan, charchagan, hissiy holdan toygan bo‘lsa-da, Garri va Germiona taslim bo‘lmaydi, chunki ular yolg‘iz emasliklarini bilishadi.
“La-La Lend” (2016)
“Oskar” mukofotiga sazovor bo‘lgan “La La Lend”dagi eng yorqin raqsni izlash befoyda, chunki ularning har biri o‘ziga xos g‘ayrioddiy. Asosiy afishada ushbu raqsdan kadrlar aks ettirilgan: quyosh botishi osmonida ajralib turadigan och sariq libosda Mia va Sebastyan kuzatuv maydonchasida raqsga tushmoqda, fonda esa Los-Anjeles oqshomini qorong‘ilik qoplaydi.
Qahramonlarning har bir harakatida, har bir nigohida tomoshabinga noma’lum o‘yinda g‘alaba qozonishga urinayotgandek bir-biriga da’vogarlik qilayotgani sezilib turadi. Bu ularning sevgi hikoyasining boshlanishi, film davomida rivojlanadigan kuchli his-tuyg‘ularning boshlanishi, ammo xoreografiya Mia va Sebastyan o‘rtasida sevgi uchquni allaqachon mavjudligini ko‘rsatadi.
“Joker” (2019)
“Joker” filmi nafaqat o‘zining chuqur psixologizmi bilan kino tarixiga hissa qo‘shgan, balki Bronksdagi zinapoyalardan birini mashhur sayyohlik maskaniga ham aylantirgan. Xoakin Feniks zinapoyasida ijro etilgan raqs qahramonning o‘zgarishini ko‘rsatdi. Doimiy ravishda masxara va xo‘rlanishga chidashga majbur bo‘lgan, ishonchsiz, ammo tan olinishga intilayotgan masxaraboz animatordan u Jokerga aylanadi. Insoniy shafqatsizlik Arturni odamlarga ishonchini yo‘qotadi va raqsga tushayotgan zinapoyalar ruhiy tanazzulni ifodalaydi.
“Qora oqqush” (2010)
Natali Portmanning Darren Aronofskiyning “Qora oqqush” psixologik dramasidagi murakkab roli unga o‘z faoliyatidagi birinchi “Eng yaxshi ayol roli” uchun Akademiya mukofotini olib keldi. Mashaqqatli mashg‘ulot va qattiq tartib-intizomga o‘rgangan iste'dodli balerina ichki erkinlikdan mahrum bo‘lgan “esli qiz”dan o‘zining qorong‘i mohiyatini qabul qiladigan va o‘z maqsadi uchun hamma narsaga qodir qizga aylanadi. Raqibini oyna bo‘lagi bilan o‘ldirgan Nina sahnaga chiqadi va Odil rolini ajoyib ijro etadi. Spektakl oxirida uning qo‘llari qora tuklar bilan qoplanadi — reenkarnatsiya tugaydi. U mukammallikka erishish g‘oyasiga berilib ketadi, lekin oxir-oqibat o‘zini yo‘qotadi, bu esa muqarrar ravishda fojiaga olib keladi.
Mavzuga doir:
- Uenzdey rolini qoyilmaqom ijro etgan va internetni “portlatgan” raqsni o‘zi o‘ylab topgan Jenna Ortega haqida 20 ta fakt
- Yil sarhisobi: 2022-yilning bolalar va kattalar uchun mo‘ljallangan eng yaxshi multfilmlari (video)
- Bred Pitt doim nimadir chaynaydi, Kira Naytli iyagini o‘ynatadi, Natali Portman yig‘laydi — deyarli har bir filmida bir xil harakatni takrorlaydigan aktyorlar (foto)
Izoh (0)