2023 йилнинг дастлабки кунларида «Чебурашка» фильми Россияда кассабоплиги бўйича рекорд ўрнатди. Фильм шу қадар машҳур бўлиб кетдики, у январь ойининг биринчи беш кунидаёқ фильм бюджетини уч баравари билан оқлади.
Бу бутунлай бошқача ҳикоя
Болалигида Эдуард Успенский эртаги асосидаги «Чебурашка» мультфильмини кўрмаган одам бўлмаса керак. Аммо янги ҳикоя бутунлай бошқача. Сюжет бутунлай янги бўлса-да, албатта, носталгия ҳам эътибордан четда қолмаган.
Хуллас, Чебурашка бу сафар Лотин Америкасининг қаердадир «апельсин мамлакати»да яшайди, у ерда одамлар апельсин етиштириб, даромад олишади. Шалпангқулоқ жониворча апельсинхўр бўлиб чиқади — плантаторлар ундан безор. Аммо бир кун кучли торнадо бу ҳайвонни Россиянинг жанубига олиб кетади. Ва у денгиз бўйидаги шаҳарда, маҳаллий дарахтзорни ободонлаштириш билан шуғулланадиган боғбоннинг уйига келиб қолади.
Гена бу ерда тимсоҳ эмас
Аслида фильм қаҳрамони ҳам эмас. Фильм режиссёри Дмитрий Дяченко шунга қарор қилди. Эҳтимол, томошабин афсонавий Гена маҳаллий дарахтзорнинг жаҳлдор қўриқчиси эканини тезда пайқамас, лекин бу ҳақиқатан ҳам у. Бу сафар у шунчаки одам. Бироз социопат, бефарқ ва ғамгин одам... Табиатан эса ҳақиқий тимсоҳ.
Ҳамма учун қизиқарли фильм
Фильмда 6+ ёш чегараси мавжуд. Бу шуни англатадики, ёш болалар билан ҳам кинотеатрга бориш мумкин — катталар носталгия учун, болалар катта қулоқли митти жонивор билан танишиш учун.
Фильм уч кун ичида ўзини оқлади
Ҳар бир фильм ҳам бундай муваффақиятга эриша олмайди. Йилнинг биринчи кунида «Чебурашка» 225 миллион рубль йиғди. 2 январь куни касса тушумлари 362 миллион рублни ташкил этди. Январь ойининг биринчи беш кунида касса тушумларининг умумий миқдори 2 миллиард рублдан ошди. Бу рус киноси тарихидаги рекорддир. Фильмни суратга олиш учун жами 850 миллион рубль сарфланган. Маълум бўлишича, «Чебурашка» аллақачон беш кун ичида бир неча бор ўзини оқлаган.
Картина чиройли жойларда суратга олинган
Фильм Сочи, Кисловодск, Пятигорск ва Москва вилоятида суратга олинган. Сиз гўзал манзараларни, яшил ўсимликларни, шунингдек, денгиз бўйидаги шаҳарларнинг кўринишини кўрасиз.
Совет курортлари ҳам тасвирланган
Картина ижодкорлари Чебурашкани денгиз бўйидаги кичик, совет шаҳарчасига, ўзига хос ретро дунёга «кўчириш»га ҳаракат қилишди. Бундан ташқари, ўтган аср меъморчилиги, Сталин империяси услубидаги кичик шинам кўчалар, кўплаб яшилликлар — буларнинг ҳаммаси катта ёшдаги томошабинлари болаликка қайтаради.
Моторли скутерлар тикланди ва яна «эскирди»
Генанинг моторли скутери СССРда 1959 йилдан бери ишлаб чиқарилган машҳур «Муравей» ҳисобланади. Фильм учун суратга олиш гуруҳи «Авито»да учта шундай скутер сотиб олди, демонтаж қилди, тозалади, бўяди ва яна «эскиртирди».
Генанинг уйи бир ойда қурилди
Генанинг уйи Оржоникидзе санаторийси ҳудудида қурилган. Бу уй атрофида қадимий дарахтлари бўлгани сабабли бутун манзарани тасвирлашнинг иложи йўқ эди, фақат минора ва қишки боғ яратилган. Қолган ҳамма нарса павильонда қурилган. Бироқ Генанинг уйини яратиш учун тахминан бир ой вақт кетди. Рассомлар уй яқинида буталар экишди, гул ўтқазишди, майсазор ётқизишди, аммо суратга олингандан сўнг уларнинг барчасини бузишга тўғри келди.
Мавзуга доир:
Изоҳ (0)