Filmlarda o‘zaro dushman rolini o‘ynagan aktyorlarning real hayotda do‘stlik rishtalari qanday bog‘langan? Quyida ana shunday aktyor-do‘stlar beshligi bilan tanishing.
Tom Xolland va Jeyk Jillenxol — “O‘rgimchak odam: Uydan uzoqda”
Jeyk Jillenxol “O‘rgimchak odam: Uydan uzoqda” filmi uning avval o‘ynagan rollari orasida ilk bor superqahramonlik filmi edi. Akytorning o‘zi ma’lum qilishicha, bu film unga kino san’atining yangi turini ochib berdi, filmni suratga olish chog‘ida u shunchaki dam olishi mumkin edi. Syomka jarayonlarida Tom va Jeyk juda yaqin do‘st bo‘lib qolishgan, buni ularning keyingi media faoliyati va hayotdagi uchrashuvlaridan ham ko‘rish mumkin. Ushbu filmdan keyin aktyorlar kinoda birga ishlamaganiga qaramay, ular hali ham yaqin munosabatlarni saqlab qolishadi. Qizig‘i shundaki, O‘rgimchak odam rolini qo’lga kiritgach, Tom o‘z maqsadlari ro‘yxatini tuzgan. Ulardan biri Jeyk bilan hamkorlikda ishlash edi.
Tom Felton va Metyu Luis — “Garri Potter”
Drako Malfoy “Garri Potter”ning barcha qismlarida o‘zgaruvchan xarakaterdagi hamda shiddatli fe‘l-atvorli obraz sifatida namoyon bo‘ladi. Vaqt o‘tishi bilan u maktabda o‘zini yomon his qila boshlaydi va hammadan nafratlanadi. Ota-onasini qutqarish uchun ham Dambldor bilan kelishuvni yakunlay olmaydi. Boshqa sahnalarda ham u Garri Potter va uning do‘stlariga bir necha bor yordam bergandek namoyon bo‘ladi. Hatto, “La’natlangan bola”da Drako va Garri biroz do‘st tutinishdi. Biroq uni qutqarish lozim bo‘lganida Drako Garriga umuman yordam bermadi va o‘z nafratini oshkor etdi. Hayotda esa ular doimo yaxshi do‘st bo‘lishgan. Suratga olish ishlari yakunlangach ham do‘stona munosabatlarini saqlab qolishgan. Tom Felton o‘zining sobiq hamkasblari va ayniqsa, Metyu Luis, Emma Uotson va aka-uka Felpslar bilan tez-tez ko‘rishib turadi.
Leonardo Di Kaprio va Tom Xardi — “Omon qolganlar”
Tom Xardi va Leonardo Di Kaprioning “Omon qolganlar” filmida birgalikda rol ijro etgan sahnalari ko‘p emas. Syujetga ko‘ra, boshida bir sahnada, keyinchalik ular filmning aksar qismida alohida o‘tkazishadi va faqat film so‘nggida uchrashishadi. Ushbu filmda birga birozgina vaqt birga ishlashganiga qaramay, Leo va Tom tezda til topishib oldilar. Ular hatto, Xardi bu filmda o‘ynagan roli uchun Oskar mukofotidagi “Eng yaxshi ikkinchi darajali erkak roli” nominatsiyasiga nomzod sifatida ko‘rilishi borasida bahslashishdi. Di Kaprio Xard mukofot sohibi bo‘ladi, deb o‘ylagan edi. Ammo bunday bo‘lmadi. Yakunda Leo g‘alaba qozondi. Suratga olishdan so‘ng ular film uchun kichik PR kampaniyasini o‘tkazishdi va tez-tez kinodan tashqarida ham uchrashishni odat qildilar. Ba’zan ular basketbol o‘ynagani birga borishadi.
Genri Kavill va Tom Kruz — “Mission: Impossible – Fallout”
Filmni suratga olish jarayonida Genri Kavill bilan do‘st bo‘lmaslik “jinoyat”dir. Chunki Tom Kruz ham o‘zining hamkasbi bilan osonlikcha chiqishib ketdi va tez orada o‘z muxlislariga Genri bilan ajoyib do‘st bo‘lib qolganini ma’lum qildi. Ba‘zan hech kim Genrini Tomdek, Kruzni esa Kavillchalik hayratlantira olmaydi. Genri Kavillning aytishicha, o‘zining barcha tryuklarini qoyilmaqom bajarishiga Tom uni ilhomlantirgan. Tom Kruz o‘zining barcha filmlarida kaskadyorlar xizmatidan deyarli foydalanmasligi hammaga ma’lum. So‘ng yuvinish xonasidagi jang sahnasida Tom Kruzga javoban Genrining “mushlashish zarbasi” Tomni hayratda qoldirdi. Keyin esa Kavill Tom to‘pig‘i singach, tezda oyoqqa turib ketganiga hayron bo‘ldi, chunki Kavill Tom endi yurolmaydi, degan bashoratni eshitgandi. Bularning barchasi ekranda bir-birlarini “jiddiy” kaltaklagan ikki aktyor do‘stligining kichik bir bo‘lagidir.
Xit Ledjer va Kristian Beyl — “Qora ritsar”
Xit Ledjer va Kristian Beyl “Qora ritsar” filmining suratga olish maydonchasida yaqindan tanishadi. Afsuski, ularning suratga olish vaqtida boshlangan do‘stligi uzoqqa cho‘zilmaydi. Kristian Beyl Xit bilan muloqoti uzilganidan 4 yil o‘tib, Xit Ledjer bilan tanishganidan, u bilan do‘stlashganidan hamda Xit bilan ekranlarga chiqqan ajoyib ijroning bir qismi bo‘lganidan faxrlanishini aytdi. “MTV Movie Award 2012” vaqtida Xit Ledjer bilan birga suratga tushgan kadrlarini ko‘rib, ko‘z yoshlarini tiyib tura olmadi.
Mavzuga doir:
Izoh (0)