Aktrisaning hind filmidagi o‘zi o‘ynagan bosh roli shaxsiy hayotiga juda o‘xshaydi: ota-onalar tomonidan oldindan kelishilgan nikoh, bunga qarama-qarshi muhabbat, sevgan insoni uchun uzoq davom etgan kurashlar, yakunida esa unga turmushga chiqish baxti. Qanday qilib Hema Malini jamiyat qonunlariga zid bordi va baribir baxtli bo‘lishga muvaffaq bo‘ldi?
Biror kim bu haqda ochiqdan-ochiq gapirmasa ham, hind jamiyati hamon kasta qonunlari asosida yashaydi. Bu yerda har bir kishiga kelib chiqishiga qarab ma‘lum rol beriladi. Gap kino singari yangi sohalarga tegishli bo‘lsa ham.
Bollivudda karyera qilish uchun go‘zal tashqi ko‘rinish va iste’dodning o‘zi yetarli emas, bo‘lajak aktrisa hind jamiyatining eng yuqori kastasi — braxmanlardan bo‘lishi kerak. Va bu borada Hemamalini Ramanujam Chakravarti (aktrisaning to‘liq ismi) chindan ham omadli. U 1948 yilda Tamilnad shtatida puldor va boy aktyorlar oilasida tug‘ilgan. Onasi — taniqli kino prodyuseri, hind kinematografiyasining ilk tamal toshi qo‘yilgan paytlardayoq mashhurlikka erishgan edi. Hemaning ota-onasi uning bolaligidanoq qizining yaxshi ta’lim olishi va ko‘p qirrali bo‘lishi uchun hech nimani ayamadi.
Qiz vokal va xoreografiya bilan shug‘ullanib, ko‘p vaqtini klassik hind raqsini o‘rganishga bag‘ishlaydi. Onasi bilan birgalikda kuniga bir necha soat suratga olish maydonchasida sahna kartinasi qanday tayyorlanadi, chiroqlar va raqslar ketma-ketliklari qay tartibda suratga olinishlarni tomosha qildi. Hind kinosining asosi — bu bir epizodni kerak bo‘lsa o‘n martalab suratga olishdir. Hema o‘z ko‘zlari bilan mashhur aktyorlar muxlislari tomonidan qanday e’zozlanishini, tom ma’noda qo‘llarida ko‘tarib yurishganini ko‘rdi va bunday ehtiromni u ham xohlagan.
Malini 17 yoshga to‘lganida “Panda bu dunyoni tark etadi” filmida raqqosa sifatida debyut rol ijro etdi. Birinchi rol yosh aktrisaga u qadar katta shon-shuhrat keltirmagan bo‘lsa-da, raqqosalik iste’dodi darhol tomoshabin nazariga tushdi. Aytish kerakki, film telugu tilida suratga olingani bois u keng miqyosda ommalashmagan.
“Men yosh edim va barcha yoshlar singari o‘zimga juda ishonardim. Men sizning ekranda paydo bo‘lishingiz sizni allaqachon mashhur qiladi, deb o‘ylardim. Ammo bu sodir bo'lmadi. Yana bir nechta epizodlarda rol ijro etdim, rejissyorlar yelkamga qoqib “barakalla” deyishdi lekin bosh rollarga taklif qilishmadi”, — deydi Hema Malini keyinchalik bergan intervyusida.So‘ng yosh aktrisa mahalliy kinokompaniyada bosh rollar uzoq kutilishini tushundi va Bollivudni zabt etishga qaror qildi. Hema zudlik bilan Mumbayda mashhur bo‘lgan raqslarni o‘zlashtirish uchun mahalliy raqs studiyasiga yozildi va onasing eslatmasi bilan mahalliy televizion studiya direksiyasida paydo bo‘ldi. Ota-onasining homiyligi unga juda qo‘l keldi, yosh aktrisaga “Orzular sotuvchisi” filmi uchun kichik rol taklif qilindi.
Bollivuddagi birinchi rol va uning ortidan kelgan ulkan muvaffaqiyat. Hemaga ketma-ket yangi rol takliflari tusha boshladi. 1969 yilda u bir vaqtning o‘zida to‘rtta filmda rol ijro etadi. “Orzudagi qiz” filmi to‘plamida u aktyor Dharam Singx Deol (taxallusi Dharmendra) bilan uchrashdi. Dharam undan 13 yosh katta, uylangan va to‘rt farzandning otasi edi. Birinchi ijodiy hamkorlikdan so‘ng ular orasida uchqun paydo bo‘ldi, biroq Hema bu insonga bo‘lgan oshiqlik fikrini o‘zidan uzoqlashtirdi. Bundan tashqari, uning ota-onasi allaqachon unga kuyov sifatida hamkasbi aktyor Sandjiv Kumarni tanlab bo‘lishgan edi. Juftlik allaqachon unashuvlari haqida e’lon qilishgan, ammo ular to‘yni kutishga qaror qilishgandi. Gap shundaki, Malinining kino karyerasi eng gullab-yashnagan, o‘zi uchun nom qozonishga ulgurish kerak, Bollivud kinematografiyasida aktrisaning yoshi esa cheklangan. Aktrisalar faqat 25 yoshgacha go‘zallar rollarida o‘ynashi mumkin, bu yoshdan so‘ng ularga faqat xolalar va onalar rolini taklif qila boshlaydilar.
20 yoshda turmush qurish tezda farzand ko‘rishni anglatardi va bu karyeraga bag‘ishlanishi mumkin bo‘lgan vaqtni yo‘qotish demakdir. Kumar Hemaning qaroriga rozi bo‘ldi. Keyinchalik u noto‘g‘ri qaror qabul qilganini tushunib yetadi.
Shu bilan birga, “Zita va Gita” kartinasi to‘plamida Hema Malini turmush qurgan Dharmendra bilan yana uchrashdi. Aktrisa egizak opa-singillar rolini o'ynadi — tashqi ko‘rinishi o'xshash, ammo temperamentda butunlay qarama-qarshi. Ushbu asarda Malinining noyob iste‘dodi to‘liq namoyon bo‘ldi, bu unga shon-shuhrat keltirdi.
Aktrisa butun faoliyati davomida Dharmendra bilan o‘nlab filmlarda rol o‘ynadi, ularning aksariyati sovet tomoshabinlari tomonidan shu qadar sevib tomosha qilinganki, ularning namoyishlari paytida kinoteatrlar nihoyatda gavjum edi. “Sevimli Roja”, “Zita va Gita”, “O‘rmon qiroli” — SSSRda, ayniqsa, mashhur bo‘lgan.
Malini va Dharmendra birgalikda qancha ko‘p ishlashgan bo‘lsa, ular bir-birlarini yaxshi ko‘rishlarini shunchalik ko‘p angladilar. Ular bir-biriga kuchli rishtalar bilan bog‘landilar. Xema Sandjivga unashtiruvni buzayotganini ma‘lum qildi, ammo Dharmendraning rafiqasi ajrashishdan bosh tortdi. Sud uning yonini oldi.
“Nikohda to‘rtta bola bor, ajrashish haqida gap bo‘lishi mumkin emas”, — dedi sudya.Xema uch kun yig‘ladi, shundan so‘ng u sevgilisiga ikkinchi xotin bo‘lishga tayyorligini bildirdi. Shu o‘rinda qayd etish kerakki, Hindistonda qo‘shxotinlilik taqiqlangan, bundan tashqari, ikkinchi xotin —ma’shuqa bo‘lish o‘z oilasini sharmanda qilishni anglatardi. Hema faqatgina sevgilisidan ajralmaslik uchun bu yo‘lni tanladi. Shunday qilib, ular sakkiz yil katta o‘g‘li voyaga yetgunga qadar yashadilar va ularning bu turmushiga qarshi bo‘lgan Hemaning otasi vafot etdi.
Hema va Dharmendraning to‘yi uch kun davom etdi. Uch kun ichida baxtli kelin o‘z filmlarida ijro etgani kabi eng yaxshi raqslarini ijro etdi. Va nihoyat uning 8 yil kutgan orzusi amalga oshdi.
Bir yil o‘tgach, Hema ikkita qiz Esha va Axanni dunyoga keltirdi. Shu bilan birga, u onasi singari “Hema Malini creations” prodyuserlik kompaniyasini tashkil etib, biznes bilan shug‘ullana boshladi.
Har yili kompaniya 20 dan ortiq kinokartina suratga oladi, Dharmendra va Malini oilasining boyligi ortib bormoqda. Hema turmush o‘rtog‘i bilan birga hashamatli uy qurishdi, bu uyda endi nevaralarining quvnoq ovozlari eshitilmoqda.
Ajablanarlisi shundaki, bu uy dastlab Mumbay aeroporti yaqinidagi xaroba edi. “Zita va Gita”dan olingan gonorardan so‘ng er-xotin uyni besh qavatli qilib qurishdi. Endi bu uyda raqs zali, kutubxona va hatto, ibodatxona ham bor.
Hema hozir filmlarda rol ijro etmaydi, onalar roliga ham qiziqmaydi, faqat goh-gohida u rejissor-do‘stlarning filmlaridagi epizodik rollarigagina rozi bo‘ladi. Bollivudda “orzudagi qiz” deya ataladigan qiz, 40 yildan so‘ng siyosatga kirishdi. Turmush o‘rtog‘i bu qarorda uni qo‘llab-quvvatladi. Malini Hindiston parlamentining yuqori palatasida Hindiston xalq partiyasi vakili. 2014-yilda u Lok Sabha deputati etib saylangan.
“Ko‘p yillar mobaynida men hech qachon baxtli bo‘lmayman deb o‘ylardim, lekin ba’zi bir tushunarsiz yo‘llar bilan Xudo meni kerakli joyga olib bordi. Bugun men hech narsa qilmayapman, bor narsamdan xursandman”, — deya iqror bo‘ldi aktrisa intervyusida.Mavzuga doir:
Izoh (0)