Film suratga olish — murakkab va uzoq jarayon. Tomoshabinlar yakuniy kadrni ko‘radi va sahna ortida nima bo‘lganini tasavvur ham qilolmaydi. Ba’zan aktyorlar improvizatsiya qilishadi va bu lahzalar filmda qoladi. Yoki suratga olish guruhi mukammal sahnani suratga olishning noodatiy usullarini topadi.
Odri Totu toshni suvda sakratishni bilmas edi, shuning uchun “Ameli” filmidagi ushbu sahnada maxsus effektlar ishlatilgan.
Sheylin Vudli “Yulduzlar aybdor” filmi uchun uzun sochlarini kesgan
Hikoyada Sheylinning qahramoni kalta sochli bo‘ladi. Aktrisa sochining 90 foizga yaqinini kesib tashlaydi va kasallik tufayli sochi to‘kilib ketgan bolalar uchun parik tikuvchi tashkilotga sovg‘a qiladi.
Ammo Sheylin shu bilan ham tinchimaydi — u muxlislarini xuddi shunday qilishga undovchi butun kampaniyani boshlaydi. Ko‘p o‘tmay, ijtimoiy tarmoqlarda savob ish qilish chaqirig‘iga javoban kalta sochli kishilarning suratlari paydo bo‘ladi.
Natali Portman nafaqat “Qora oqqush” filmidagi Nina roliga qattiq tayyorgarlik ko‘rgan, balki homiylar topilguniga qadar raqs darslari uchun ham o‘z cho‘ntagidan pul to‘lagan.
“Cho‘qintirgan ota”ning ssenariysida mushuk bo‘lmagan
Dastlab sahnada hech qanday hayvon qatnashmasdi, ammo rejissor Frensis Ford Koppola studiyada adashib yurgan mushukni ko‘rib qoladi va uni sekin Marlon Brandoning tizzasiga o‘tqazib qo‘yib, suratga olishni boshlaydi.
Makkenzi Foy so‘kinganlardan pul yig‘ib olgan
Renesmi rolini ijro etgan (“Sumerki” filmidagi Bella va Edvardning qizi) qizaloq aktyorlarga yomon so‘zlari uchun pul tashlaydigan maxsus banka yasaydi.
Rejissor Alfonso Kuaron “Garri Potter va Azkaban asiri”ga Meksika motivini olib kiradi
Film dekoratsiyasida u Meksika timsoli bo‘lgan bosh suyagi va ilon changallagan burgutni qo‘shgan.
Kris Xemsvortning onasi va akasi ham “Tor” filmining kastingida ishtirok etishadi
Kastingdan keyin Krisga qo‘ng‘iroq qilishmaydi. Keyinchalik uning ukasi Liam ham Tor roli uchun imtihondan o‘tadi, ular hatto uni olishga qaror qilishadi. Ammo Krisning menejeri mijozini yana bir bor sinab ko‘rishni taklif qiladi. Aktyorning onasi unga dialogni o‘qishga yordam beradi.
“Mo‘jizakor ayol” filmidagi xarid sahnasi Garri Potter filmlaridagi Gringotts Bank bilan bir joyda suratga olingan
“Qichqiriq” filmida ular haqiqatan ham qutqaruv xizmatini chaqirishadi
Gap shundaki, elektr quvvati oshishi sababli uy egasi telefon liniyasini tarmoqdan uzib qo‘ya olmaydi. Jamoa bir nechta kadrlarni suratga oladi, unda qahramon raqam teradi va shunchaki telefonga qichqiradi. Keyin qutqaruv xizmatidan qo‘ng‘iroq qilishadi va buni tushuntirishni talab qilishadi.
“Mo‘jizakor ayol”ning ba’zi sahnalarida Gal Gadot yugurish yo‘lakchasida krossovkada yugurgan. Keyinchalik montajda krossovka etiklarga almashtirilgan
“Oz mamlakati sehrgari” kitobi muallifining pidjagi filmni suratga olish maydonchasiga sirli ravishda kelib qoladi
“Oz mamlakati sehrgari” filmidagi professorning pidjagini eski-tuski bozoridan topib olishadi. Aktyor Frenk Morgan pidjakning ichki cho‘ntagida yozilgan “Frank Baum” (kitob muallifi) yozuvini ko‘radi. Keyinchalik yozuvchining tikuvchisi bu pidjakni o‘zi uchun tikkanini tasdiqlaydi. To‘g‘ri, ko‘pchilik bu voqeaga shubha bilan qaraydi va buni piar deb biladi.
Mavzuga doir:
Izoh (0)