Nonushta kunning eng muhim taomi hisoblanadi. To‘g‘ri taomni tanlash orqali og‘ir kechadigan qish kunida kuchga to‘lish ham mumkin. Marie Claire nashri quvvat beruvchi qishki nonushtalar haqida ma’lumot berdi.
“Nonushta — kunning eng muhim taomi” iborasi 19-asrga borib taqaladi va bu Jeyms Kaleb Jekson, Jon Xarvi Kellogga tegishli bo‘lib, ular iboradan yangi ixtiro qilingan qurun nonushtalarni sotishda foydalangan. Shundan keyin ko‘plab tadqiqotlar ularning adashmaganligini isbotladi. Ertalab energiya olish, ayniqsa qishda, haroratning keskin pasayishi va qorong‘ulik kuchayganini his qilish qiyinlashganda, bu juda muhim hisoblanadi.
Kunning boshlanishida birinchi taom muhim rol o‘ynaydi. Nonushta yil davomida muvozanatli va to‘yimli bo‘lishi kerak, biroq qishda ko‘pchilik insonlar biroz qoniqarli (va ba’zan issiq) narsani xohlaydi. Sovuq kunlarda insonga energiya beradigan ko‘plab nonushta turlari mavjud.
Shakshuka
Bu pishirilgan tuxumli taom mazali ta’mga ega bo‘lib, uning soddalashtirilgan variantini faqat beshta mahsulot bilan tayyorlash mumkin. Piyoz va qizil qalampirni oling va ularni taxminan besh daqiqa davomida yoki piyoz yumshoq bo‘lguncha qovuring. Ikki banka to‘g‘ralgan pomidor qo‘shing va keyin aralashma qaynab, qalinlashguncha besh daqiqa davomida aralashtiring.
Pomidor aralashmasida to‘rtta teshik hosil qiling va har bir chuqurchaga tuxum soling, keyin olovni pasaytiring va tovaning qopqog‘ini yoping, shundan keyin aralashma 10 daqiqa qaynatiladi — shakshukadagi tuxum qanchalik qattiqligiga qarab, biroz ko‘proq yoki kamroq pishirilishi mumkin. Taomni pishirgandan keyin ustiga petrushka barglarini solib, dasturxonga torting. Agar xohlasangiz, ustiga maydalangan qotirilgan non bo‘laklarini qo‘shishingiz ham mumkin.
Bo‘tqa
Bo‘tqa qishning asosiy taomi hisoblanadi va buning sababi bor. U butun donli nonga qaraganda ko‘proq klechatkani o‘z ichiga oladi va yorma past glisemik indeksi tufayli qondagi shakar darajasini barqarorlashtirishi ko‘rsatilgan. Tajriba qilish uchun juda ko‘p turli xil qishki lazzat kombinatsiyalardan foydalanib ko‘rishingiz mumkin, biroq oddiy bo‘tqangizga o‘rik va klyukva, bir chimdim dolchin yoki maydalangan zanjabil, chinor siropini qo‘shishga harakat qiling.
Ajoyib inglizcha nonushta
An’anaviy inglizcha nonushtani ko‘pchilik dam olish kunlarida tayyorlab ko‘radi, biroq har doim ham uni iste’mol qilish to‘g‘ri qaror bo‘lmaydi. Sovuq ob-havoda ertalab issiq nonushta qilish juda yaxshi g‘oya, shuning uchun oddiy mahsulotlarni foydalilari va mazalilari bilan almashtiring. Qovurilgan nonni ismaloq, pomidor yoki qo‘ziqorin kabi qo‘shimcha sabzavotlar bilan almashtiring.
Qishki vitaminlarga boy nonushta
Qishki vitaminlarga boy nonushta butun yil davomida ko‘pchilikning asosiy taomiga aylanadi va bu taom har doim yaxshi tanlov bo‘la oladi, ayniqsa ertalab vaqtingiz kam bo‘lgan paytda mazali nonushtani tayyorlasa bo‘ladi. Bu mazali va to‘yimli nonushta bo‘lib, siz uni uyda bo‘lgan har qanday meva, yong‘oq yoki urug‘lardan foydalanib tayyorlashingiz mumkin. Eng keng tarqalgan qishki nonushtaning asosi suli yormasi va yogurtdan tashkil topadi. Myusli taomga shakar qo‘shadi, biroq ba’zi kunlarda uni xohlaysiz.
Qishki vitaminlarga boy nonushtaga xurmo, klyukva va quritilgan gilos kabi og‘irroq yoki quritilgan mevalarni qo‘shib ko‘ring. Nonushtaga quritilgan apelsin va klementinlarni ham qo‘shish mumkin (biroq ularni quritilmagan holatda ham ishlatish mumkin). Unga biroz qovurilgan kokos yong‘og‘i, bodom qo‘shsangiz yanada mazali bo‘ladi.
Foydali maffinlar
Agar ertalab sog‘lig‘ingizga g‘amxo‘rlik qilishga vaqtingiz bo‘lmasa, dam olish kunlarining birida nonushtaga maffinlarni tayyorlab ko‘ring. Turli xil retseptlar mavjud, biroq mashhur kombinatsiyalarga banan, qovoq yoki urug‘lar qo‘shiladi. Ko‘pgina retseptlarda shirinlik uchun tozalangan shakar o‘rniga asal yoki olma, energiyani sekin chiqarish uchun yordam beradigan bug‘doy uni ishlatiladi.
Tostlar
Agar tostlarga nima qo‘shishni bilsangiz, bu butun kun davomida energiyani saqlab turishga yordam beruvchi nonushta bo‘lishi mumkin. Oq undan tayyorlanadigan fransuz tostidan ko‘ra yaxshiroq variantini sinab ko‘ring, unga qaymoq o‘rniga bodom yoki kokos yong‘og‘i suti, kepakli non va chinor siropidan foydalaning. Tostdagi avakado qo‘shish hali ham urfda bo‘lib, siz nok va gorgonzolani butun donli nonga qo‘yishingiz mumkin, agar tajribalardan qo‘rqmasangiz, anjir, asal va rikotani tatib ko‘ring.
Mavzuga doir:
- Mazali nonushta: 15 daqiqada tayyor bo‘ladigan fransuzcha yegulik retsepti.
- Mazali nonushta: Pechda pishiriladigan gilosli zapekanka va kartoshkali tortilya retsepti.
- Sog‘lom nonushta uchun 5 xil tvorogli yegulik retsepti.
- Tongni yaxshi kayfiyatda boshlash uchun ishtahaochar buterbrod va mazali nonushta retseptlari.
Izoh (0)