Bugun,

  • USD 11095.31
  • RUB 173.84
  • EUR 10772.44

Ertalab nonushta uchun tayyorlanadigan mazali pishiriqlarni iste’mol qilish insonga ajoyib kayfiyat bag‘ishlaydi. The Voice nashri uy bekalari uchun gilosli zapekanka va kartoshkali tortilya retseptini taqdim etdi.

Tvorog va gilos qo‘shib tayyorlanadigan xushta’m zapekanka retsepti 

Tvorog va gilosdan tayyorlanadigan zapekanka mazali ta’mga ega, unga o‘zingizga yoqqan shokoladni ham qo‘shsangiz bo‘ladi. Gilos mavsumi boshlanganda, shirinlikning ichiga yangi uzilgan gilosni soling — bu uni yanada mazali qiladi.

Foto: The Voice

Foto: The Voice

Kerakli masalliqlar:

  • tvorog — 200 gr
  • suli yormasi — 1,5 stakan
  • tabiiy yogurt — 1 stakan
  • shakar — 200 g
  • muzlatilgan gilos — 1 stakan
  • tuxum — 2 dona
  • o‘simlik yog‘i — ta’bga ko‘ra
Tayyorlanishi:
  1. Tvorog, tuxum va shakarsiz yogurtni idishga solib aralashmani vilka bilan silliq holatga kelgunga qadar aralashtiring yoki blenderdan foydalaning.
  2. Aralashmaga shakar soling (uning miqdorini ta’bingizga qarab qo‘shishingiz mumkin), undan keyin suli yormasini qo‘shing. Mahsulotlarga eritilgan gilosni qo‘shing va yana aralashtiring.
  3. Pishirish varag‘ini folga bilan yoping va unga o‘simlik yog‘ini surting. Aralashmani soling, tvorog massasini tekislang. Zapekankani pechga qo‘ying va tayyor bo‘lgunga qadar 30-40 daqiqa davomida pishiring.
 

Kartoshkali tortilya

Kartoshkadan tayyorlanadigan tortilyani, nafaqat nonushtada, balki tushlik va kechki ovqatlanishda ham iste’mol qilish mumkin. Uni o‘zingizga yoqqan ko‘katlarni qo‘shib yoki qayla bilan yesangiz ham bo‘ladi.

Foto: The Voice

Foto: The Voice

Kerakli masalliqlar:

  • kartoshka — 600-700 g
  • piyoz — 1 dona
  • tuxum — 5 dona
  • qattiq pishloq — 80 g
  • smetana — 2 qoshiq
  • o‘simlik yog‘i, tuz qalampir — ta’bga ko‘ra
Tayyorlanishi:
  1. Kartoshka va piyozni yuvib tozalab oling. Mahsulotlarni yupqa qilib to‘g‘rang.
  2. Kartoshkaning yarmini pishirish idishida teng ravishda yoying. Piyozning yarim halqalari, keyin qolgan kartoshkani soling.
  3. Tuxumni vilkalar yordamida aralashtiring. Unga smetana va maydalangan pishloq qo‘shing. Aralashmaga tuz va qalampir seping va yana aralashtirib oling.
  4. Tuxum-pishloq massasiga kartoshkani soling. Tortilyani pechga qo‘ying va 180 daraja haroratda 40-50 daqiqa davomida pishiring.
Yoqimli ishtaha!

Mavzuga doir: 

Izoh
Asosiy yangiliklar
Markaziy Osiyo
Tojikistondagi zilzila oqibatida 3 kishi jabrlandi, 60 dan ortiq chorva mollari nobud bo‘ldi
Maslahatlar
O‘zingizni qiynamasdan to‘g‘ri ovqatlanishni o‘rgatadigan 9 ta layfxak
Kino
Har gal ko‘rganingizda qalbni jumbishga soladigan hayajonli va ta’sirchan kino sahnalari