Нонушта куннинг энг муҳим таоми ҳисобланади. Тўғри таомни танлаш орқали оғир кечадиган қиш кунида кучга тўлиш ҳам мумкин. Marie Claire нашри қувват берувчи қишки нонушталар ҳақида маълумот берди.
«Нонушта — куннинг энг муҳим таоми» ибораси 19-асрга бориб тақалади ва бу Жеймс Kaleб Жексон, Жон Харви Kellogга тегишли бўлиб, улар иборадан янги ихтиро қилинган қурун нонушталарни сотишда фойдаланган. Шундан кейин кўплаб тадқиқотлар уларнинг адашмаганлигини исботлади. Эрталаб энергия олиш, айниқса қишда, ҳароратнинг кескин пасайиши ва қоронғулик кучайганини ҳис қилиш қийинлашганда, бу жуда муҳим ҳисобланади.
Куннинг бошланишида биринчи таом муҳим рол ўйнайди. Нонушта йил давомида мувозанатли ва тўйимли бўлиши керак, бироқ қишда кўпчилик инсонлар бироз қониқарли (ва баъзан иссиқ) нарсани хоҳлайди. Совуқ кунларда инсонга энергия берадиган кўплаб нонушта турлари мавжуд.
Шакшука
Бу пиширилган тухумли таом мазали таъмга эга бўлиб, унинг соддалаштирилган вариантини фақат бешта маҳсулот билан тайёрлаш мумкин. Пиёз ва қизил қалампирни олинг ва уларни тахминан беш дақиқа давомида ёки пиёз юмшоқ бўлгунча қовуринг. Икки банка тўғралган помидор қўшинг ва кейин аралашма қайнаб, қалинлашгунча беш дақиқа давомида аралаштиринг.
Помидор аралашмасида тўртта тешик ҳосил қилинг ва ҳар бир чуқурчага тухум солинг, кейин оловни пасайтиринг ва тованинг қопқоғини ёпинг, шундан кейин аралашма 10 дақиқа қайнатилади — шакшукадаги тухум қанчалик қаттиқлигига қараб, бироз кўпроқ ёки камроқ пиширилиши мумкин. Таомни пиширгандан кейин устига петрушка баргларини солиб, дастурхонга тортинг. Агар хоҳласангиз, устига майдаланган қотирилган нон бўлакларини қўшишингиз ҳам мумкин.
Бўтқа
Бўтқа қишнинг асосий таоми ҳисобланади ва бунинг сабаби бор. У бутун донли нонга қараганда кўпроқ клечаткани ўз ичига олади ва ёрма паст глисемик индекси туфайли қондаги шакар даражасини барқарорлаштириши кўрсатилган. Тажриба қилиш учун жуда кўп турли хил қишки лаззат комбинациялардан фойдаланиб кўришингиз мумкин, бироқ оддий бўтқангизга ўрик ва клюква, бир чимдим долчин ёки майдаланган занжабил, чинор сиропини қўшишга ҳаракат қилинг.
Ажойиб инглизча нонушта
Анъанавий инглизча нонуштани кўпчилик дам олиш кунларида тайёрлаб кўради, бироқ ҳар доим ҳам уни истеъмол қилиш тўғри қарор бўлмайди. Совуқ об-ҳавода эрталаб иссиқ нонушта қилиш жуда яхши ғоя, шунинг учун оддий маҳсулотларни фойдалилари ва мазалилари билан алмаштиринг. Қовурилган нонни исмалоқ, помидор ёки қўзиқорин каби қўшимча сабзавотлар билан алмаштиринг.
Қишки витаминларга бой нонушта
Қишки витаминларга бой нонушта бутун йил давомида кўпчиликнинг асосий таомига айланади ва бу таом ҳар доим яхши танлов бўла олади, айниқса эрталаб вақтингиз кам бўлган пайтда мазали нонуштани тайёрласа бўлади. Бу мазали ва тўйимли нонушта бўлиб, сиз уни уйда бўлган ҳар қандай мева, ёнғоқ ёки уруғлардан фойдаланиб тайёрлашингиз мумкин. Энг кенг тарқалган қишки нонуштанинг асоси сули ёрмаси ва йогуртдан ташкил топади. Мюсли таомга шакар қўшади, бироқ баъзи кунларда уни хоҳлайсиз.
Қишки витаминларга бой нонуштага хурмо, клюква ва қуритилган гилос каби оғирроқ ёки қуритилган меваларни қўшиб кўринг. Нонуштага қуритилган апельсин ва клементинларни ҳам қўшиш мумкин (бироқ уларни қуритилмаган ҳолатда ҳам ишлатиш мумкин). Унга бироз қовурилган кокос ёнғоғи, бодом қўшсангиз янада мазали бўлади.
Фойдали маффинлар
Агар эрталаб соғлиғингизга ғамхўрлик қилишга вақтингиз бўлмаса, дам олиш кунларининг бирида нонуштага маффинларни тайёрлаб кўринг. Турли хил рецептлар мавжуд, бироқ машҳур комбинацияларга банан, қовоқ ёки уруғлар қўшилади. Кўпгина рецептларда ширинлик учун тозаланган шакар ўрнига асал ёки олма, энергияни секин чиқариш учун ёрдам берадиган буғдой уни ишлатилади.
Тостлар
Агар тостларга нима қўшишни билсангиз, бу бутун кун давомида энергияни сақлаб туришга ёрдам берувчи нонушта бўлиши мумкин. Оқ ундан тайёрланадиган француз тостидан кўра яхшироқ вариантини синаб кўринг, унга қаймоқ ўрнига бодом ёки кокос ёнғоғи сути, кепакли нон ва чинор сиропидан фойдаланинг. Тостдаги авакадо қўшиш ҳали ҳам урфда бўлиб, сиз нок ва горгонзолани бутун донли нонга қўйишингиз мумкин, агар тажрибалардан қўрқмасангиз, анжир, асал ва рикотани татиб кўринг.
Мавзуга доир:
Изоҳ (0)