Ijtimoiy tarmoqlarda Toshkent viloyatida (O‘rtasaroyda) “Dok-1 Maks” dori vositasini iste’mol qilgan ikk yoshli bola vafot etgani haqida xabar tarqadi. Viloyat SSB matbuot xizmati buni rad etdi.
Ma’lum qilinishicha, hozirgi kungacha Respublika shoshilinch tez tibbiy yordam ilmiy markazining Toshkent viloyati filialiga “Dok-1 Maks” siropi iste’moli natijasida zaharlanish belgilari bilan to‘qqiz nafar bola olib kelingan. Ulardan besh nafari sog‘ayib, uyiga qaytarilgan. To‘rt nafarining ahvoli esa barqaror holatda, ularga tegishli standartlar asosida muolajalar davom ettirilmoqda.
“Shuni qayd etish kerakki, Toshkent viloyatidagi sog‘liqni saqlash muassasalarida shu paytgacha “Dok-1 Maks” preparatidan zaharlanish tufayli o‘lim holati kuzatilmagan.
Ma’lumot o‘rnida aytish mumkinki, hozirda hududlardagi barcha dorixonalarda huquqni muhofaza qiluvchi organlar vakillari va tuman-shahar tibbiyot birlashmalari xodimlari tomonidan o‘rganish olib borilib, Quramax kompaniyasi tomonidan ishlab chiqarilgan dori vositalari yig‘ishtirib olingan”, — deyiladi xabarda.
Shuningdek, aholi orasida dori-darmonlarni shifokor ko‘rsatmasisiz, palapartish iste’mol qilishning salbiy oqibatlari bo‘yicha shifokor va patronaj hamshiralari tomonidan uyma-uy yurib, tushuntirish olib borilayotgan, bu jarayonda xonadonlardagi shaxsiy dori qutilari ham ko‘zdan kechirilayotgani bildirib o‘tilgan.
Izoh (0)