Samarqand viloyatining Samarqand tumanida ikki piyoda Audi rusumli mashina urib ketishidan vafot etdi.
Viloyat IIB matbuot xizmatining xabar qilishicha, voqea 1-yanvar kuni soat 21:30 larda Usta Umar Jo‘raqulov ko‘chasida yuz bergan. Haydovchi B.U. o‘zi bilan bir yo‘nalishda ketayotgan ikki nafar piyoda mashinasi oldiga yugurib chiqishi natijasida ularni urib yuborgan.
Oqibatida piyodalar olgan tan jarohatlaridan vafot etgan.
Holat yuzasidan Samarqand viloyati IIB huzuridagi Tergov bo‘limi Jinoyat kodeksining 266-moddasi 3-qismi (transport vositalari harakati yoki ulardan foydalanish xavfsizligi qoidalarini buzish odamlar o‘limiga sabab bo‘lishi) bilan jinoyat ishi qo‘zg‘atilib, gumonlanuvchi protsessual tartibda ushlangan.
Hozirda dastlabki tergov harakatlari olib borilmoqda.
Mavzuga doir:
Izoh (0)