Rossiyaning eng yirik banki “Sberbank” O‘zbekistonda tovar belgilarini ro‘yxatdan o‘tkazadi. Tegishli ma’lumot Intellektual mulk agentligi bazasida paydo bo‘ldi.
Ariza 2022-yil 26-dekabrda topshirilgan. Portalda ikkita tovar belgisi (nomlari lotin va kirill alifbosidagi) va logotipni ro‘yxatdan o‘tkazish uchun uchta bank ilovasi mavjud.
Ma’lumot uchun, 1991-yilda tashkil etilgan “Sberbank” aktivlari bo‘yicha Rossiyadagi eng yirik kredit-moliya instituti hisoblanadi.
Ayni paytda bankning Rossiyada 13,6 mingdan ortiq filiallari va 106 million faol shaxsiy foydalanuvchilari mavjud.
Moskva birjasi ma’lumotlariga ko‘ra, bankning bozor kapitallashuvi 3 trillion rubldan (43,3 milliard dollar) oshadi.
Ukrainada urush boshlanganidan so‘ng Rossiya banklariga bir qator sanksiyalar joriy etilgan edi.
2022-yil iyun oyida “Sberbank” SWIFT moliyaviy xabar almashish tizimidan uzildi. AQSH sanksiyalaridan tashqari, bankning Buyuk Britaniya va Kanadadan vakillik hisoblari va tranzaksiyalariga cheklovlar qo‘ygan.
Avvalroq Qozog‘istondagi “Sberbank” yangi nom ostida o‘z logotipini namoyish etgan edi.
Izoh (0)