O‘zbekistonda yil boshidan beri berilgan soliq imtiyozlari 64 trln so‘mdan oshdi

O‘zbekistonda 2022-yilda foydalanilgan soliq imtiyozlari miqdori 64,1 trln so‘mni tashkil etdi. Bu haqda Davlat soliq xizmati xabar bermoqda. 

2022-yil 21-dekabr holatiga, 110 mingdan ortiq tashkilot 64,1 trln so‘m miqdorida soliq imtiyozlaridan (QQSning nol stavkasini hisobga olgan holda) foydalangan.

Eng ko‘p soliq imtiyozlari Toshkent shahriga berilgan — 8,97 trln so‘m. Bu borada keyingi o‘rinlarda Toshkent (2,4 trln so‘m) va Farg‘ona (1,8 trln so‘m) viloyatlari bormoqda.

Normativ hujjatlarga muvofiq foydalanilgan soliq imtiyoz summalari: 

• Soliq kodeksiga asosan — 58,6 trln so‘m;
• Prezident farmonlariga asosan — 1,7 trln so‘m;
• Prezident qarorlariga asosan — 1,8 trln so‘m;
• Vazirlar Mahkamasining qarorlariga asosan — 1,1 trln so‘m;
• Qonun va boshqa me’yoriy hujjatlarga asosan — 0,9 trln so‘m.

Soliq to‘lovchilar qo‘llagan soliq imtiyozlari to‘g‘risidagi batafsil ma’lumotlar DSQ tomonidan har chorakda Ochiq ma’lumotlar portalida e’lon qilib boriladi. 

Mavzuga doir: 

• Apple uchinchi o‘rinda: O‘zbekistonda 2022-yilda texnologik kompaniyalar qancha soliq to‘lagan?
• QQS 12 foizga pasaytirilsa, davlat budjeti 14 trln so‘m zarar ko‘radi. Yo‘qotish o‘rni qanday qoplanadi?