Россиянинг энг йирик банки «Сбербанк» Ўзбекистонда товар белгиларини рўйхатдан ўтказади. Тегишли маълумот Интеллектуал мулк агентлиги базасида пайдо бўлди.
Ариза 2022 йил 26 декабрда топширилган. Порталда иккита товар белгиси (номлари лотин ва кирилл алифбосидаги) ва логотипни рўйхатдан ўтказиш учун учта банк иловаси мавжуд.
Маълумот учун, 1991 йилда ташкил этилган «Сбербанк» активлари бўйича Россиядаги энг йирик кредит-молия институти ҳисобланади.
Айни пайтда банкнинг Россияда 13,6 мингдан ортиқ филиаллари ва 106 миллион фаол шахсий фойдаланувчилари мавжуд.
Москва биржаси маълумотларига кўра, банкнинг бозор капиталлашуви 3 триллион рублдан (43,3 миллиард доллар) ошади.
Украинада уруш бошланганидан сўнг Россия банкларига бир қатор санкциялар жорий этилган эди.
2022 йил июнь ойида «Сбербанк» SWIFT молиявий хабар алмашиш тизимидан узилди. АҚШ санкцияларидан ташқари, банкнинг Буюк Британия ва Канададан вакиллик ҳисоблари ва транзакцияларига чекловлар қўйган.
Аввалроқ Қозоғистондаги «Сбербанк» янги ном остида ўз логотипини намойиш этган эди.
Изоҳ (0)