Toshkent viloyati Yangiyo‘l tumanida joylashgan “Hamkor gaz servis” zapravkasi 3-yanvar kuni belgilangan o‘chirish grafigiga rioya etmagan holda faoliyat ko‘rsatayotgani ma’lum bo‘ldi.
Mazkur shoxobchaning gaz hisoblash uskunasi ko‘zdan kechirilganda, uskunaga tashqi ta’sir ko‘rsatilgani, ya’ni shoxobcha faoliyat ko‘rsatayotgan bo‘lsa-da, uskuna ishlamayotgani aniqlandi hamda tabiiy gaz yetkazib berish to‘xtatilib, gaz hisoblagich ekspertizadan o‘tkazish uchun yechib olindi.
Shuningdek, shoxobchaning elektr ta’minoti holati o‘rganildi. Xususan, elektr hisoblagich ma’lumotlarini ma’lumotlar bazasi bilan solishtirilganda noyabr oyidan buyon aloqa mavjud emasligi aniqlandi va hisoblagich ekspertizaga yuborildi.
Shu bilan birga, ushbu AGTKSHning gaz hisoblagichi belgilangan tartibga zid ravishda o‘rnatilgani aniqlandi. Mazkur holat bo‘yicha viloyat prokuraturasi tomonidan AGTKSHga va “O‘ztransgaz” AJ hududiy boshqarmasi mas’ullariga nisbatan jinoyat ishi qo‘zg‘atildi.
Mavzuga doir:
Izoh (0)