Turkmaniston prezidenti Serdar Berdimuhamedov Xitoy raisi Si Szinpin taklifiga binoan 5—6-yanvar kunlari Xitoyga tashrif buyuradi. Bu haqda CGTN nashri xabar bermoqda.
Serdar Berdimuhamedov va Si Szinpin oxirgi marta O‘zbekistonda 2022-yil sentabr oyida Shanxay hamkorlik tashkiloti (SHHT) sammiti doirasida uchrashgan edi. O‘shanda Xitoy rahbari “gaz sohasidagi hamkorlikning hajmi va ko‘lamini oshirishdan” manfaatdor ekanini bildirgan, shuningdek, qo‘shma logistika loyihalarini amalga oshirishni tezlashtirish zarurligini ta’kidlagan.
Noyabr oyida Turkmanistonga Xitoydan delegatsiya tashrif buyurgan. Muzokaralarning asosiy mavzusi Afg‘onistondagi vaziyat bo‘lgan.
Dekabr oyida Serdar Berdimuhamedovga “Turkmanistonning mohir diplomati” ko‘krak nishoni topshirilgandi. U “Turkmaniston mustaqilligi va betarafligini mustahkamlashga, tinchliksevar tashqi siyosatga, davlat manfaatlarini himoya qilishga qo‘shgan hissasi uchun” mukofotlangan.
Izoh (0)