Туркманистон президенти Сердар Бердимуҳамедов Хитой раиси Си Цзиньпин таклифига биноан 5—6 январь кунлари Хитойга ташриф буюради. Бу ҳақда CGTN нашри хабар бермоқда.
Сердар Бердимуҳамедов ва Си Цзиньпин охирги марта Ўзбекистонда 2022 йил сентябрь ойида Шанхай ҳамкорлик ташкилоти (ШҲТ) саммити доирасида учрашган эди. Ўшанда Хитой раҳбари «газ соҳасидаги ҳамкорликнинг ҳажми ва кўламини оширишдан» манфаатдор эканини билдирган, шунингдек, қўшма логистика лойиҳаларини амалга оширишни тезлаштириш зарурлигини таъкидлаган.
Ноябрь ойида Туркманистонга Хитойдан делегация ташриф буюрган. Музокараларнинг асосий мавзуси Афғонистондаги вазият бўлган.
Декабрь ойида Сердар Бердимуҳамедовга «Туркманистоннинг моҳир дипломати» кўкрак нишони топширилганди. У «Туркманистон мустақиллиги ва бетарафлигини мустаҳкамлашга, тинчликсевар ташқи сиёсатга, давлат манфаатларини ҳимоя қилишга қўшган ҳиссаси учун» мукофотланган.
Изоҳ (0)