Eronda yana bir namoyish ishtirokchisi o‘limga hukm qilindi

Eron Oliy sudi mamlakatdagi namoyishlarda qatnashgan Muhammad Borugani o‘lim jazosiga hukm qildi. Bu haqda Al-Arabia xabar berdi.

Ma’lum qilinishicha, mahkum xavfsizlik kuchlari xodimlaridan biriga pichoq bilan hujum qilgan. “Borugani fuqarolarda qo‘rquv va ishonchsizlik muhitini yaratib, Pakdasht shahri prefekturasi binosiga o‘t qo‘ygan va mulkiga zarar yetkazgan. Sud qarori bilan u o‘limga hukm qilindi", — deyiladi tegishli bayonotda.

Mahalliy matbuotning yozishicha, Tehron sudi allaqachon olti nafar namoyishchini o‘limga hukm qilgan. Mohsin Shekariy birinchi bo‘lib qatl etilgan. U “qo‘zg‘olon ko‘tarishda”, Tehrondagi asosiy yo‘lni to‘sib qo‘yishda va “Basij” qarshilik kuchlari a’zosi yordamida hujum qilishda ayblangan.

Ta’kidlanishicha, marhum “hech qanday qonuniy jarayonsiz hukm qilingan. U hukm ustidan apellyatsiya bergan, biroq 20-noyabr kuni Oliy sud qarorini o‘z kuchida qoldirgan.

Mavzuga doir:

• Eronda kurd reperi o‘lim jazosiga qarshi apellyatsiyada yutdi
• Eronlik mashhur aktrisalardan biri Tarane Alido‘stiy namoyishchilarni qo‘llab-quvvatlagani uchun hibsga olindi
• Eronda ikki o‘smir namoyishlar sababli o‘limga hukm qilinishi mumkin