Donetsk xalq respublikasi Kramatorsk tumanining o‘qqa tutilishi Fransiyaning TMC telekanali efiriga tushib qoldi. Jurnalist Pol Gasnye to‘g‘ridan to‘g‘ri efirga chiqmoqchi bo‘lib turganida, uning orqa tomonida kuchli portlash yuz berdi.
Telekanal ma’lumotlariga ko‘ra, tasvirga olish guruhi tarkibiga yana ikki kishi kirgan. Portlashdan keyin xavfsiz joyga o‘tib olgach, muxbir Quotdien dasturi efirida chiqib, voqea haqida gapirib bergan.
“Kamerani yoqib, dasturni boshlashga tayyor bo‘lib turganimizda orqa tomonimizda juda kuchli portlash yuz berdi. Biz yer bilan bitta bo‘ldik… Yaqinimizda oynalar sinib ketdi, biz yerda yotgandik, ammo bizga hech narsa qilmadi, sal nariroqdagi cherkovga yashirinib oldik”, — dedi u.
TMC studiyasida teleko‘rsatuv boshlovchisi Yann Bart va mehmonlar, shu jumladan, Fransiya iqtisodiyot vaziri Bryuno Le Mera ham bor edi.
SHOT va “Moskovskiy komsomolets” taxmin qilishicha, videoda Rossiya raketalarining 2-yanvar kuni Drujkovkada Ukraina Qurolli kuchlari obyektiga kelib tushishi aks etgan. Ukraina prezidenti ofisi rahbari o‘rinbosari Kirill Timoshenko Drujkovkaga va Yakovlevka qishlog‘iga ikkita raketa zarbasi berilgani va ikki kishi yaralanganini aytgandi.
Izoh (0)