Braziliyalik sobiq futbolchi Pelening tobuti “Santos” stadioniga olib borildi.
Uning tobuti “Vila Belmiro” stadioni maydoniga olib borilgan, bu jarayonda muxlislar mushakbozlik qilgan. 2-yanvar kuni stadionda Peleni so‘nggi yo‘lga kuzatish marosimi o‘tkaziladi.
Shundan keyin Pelening tobuti Santos ko‘chalari bo‘ylab Pelening 100 yoshli onasi yashaydigan uyga olib boriladi. Dafn marosimida faqat oila a’zolari ishtirok etadi.
Braziliyalik sobiq futbolchi 29-dekabr kuni 82 yoshida vafot etgandi. U bir necha yildan beri saraton bilan kurashib kelardi.
Avvalroq “Santos” Pele vafot etmasidan oldin ushbu marosimga tayyorgarlik ko‘rayotgani haqida xabarlar chiqqan va bu tanqidlarga sabab bo‘lgandi.
Pele deyarli butun faoliyatini “Santos” safida o‘tkazgan. U 1956—1974-yillar davomida klub bilan bir nechta sovringa ega chiqqan va olti marta Braziliya chempionligini qo‘lga kiritgan.
Izoh (0)