“PSJ” jamoasi Saudiya Arabistonining “An-Nassr” klubiga qarshi o‘rtoqlik o‘yini o‘tkazadi.
RMC Sport’ning xabar qilishicha, “PSJ” va “An-Nassr” 2022-yilning yanvarida o‘yin o‘tkazishga kelishgan, biroq pandemiya tufayli yuzaga kelgan tig‘iz taqvim bois uchrashuv bekor qilingan. Qayd etilishicha, o‘zaro o‘yin o‘tkazish majburiyati saqlanib qolgan.
Endilikda “PSJ” yanvarda Saudiyaga yo‘l oladi. O‘yin sanasi hali aniq belgilanmagan.
Avvalroq arab OAV “PSJ” 19-yanvar kuni Saudiya Arabistonining “Al-Hilol” hamda “An-Nassr” klublarining eng yaxshi o‘yinchilaridan iborat birlashgan jamoaga qarshi o‘rtoqlik o‘yini o‘tkazishi haqida yozgandi.
Messi va Ronaldu 2020-yilning dekabridan beri o‘zaro to‘qnash kelmayapti. O‘shanda “Yuventus” Chempionlar Ligasida “Barselona”ni yirik hisobda yutgan, Ronaldu dubl qayd etgandi.
Izoh (0)