Yakunlanayotgan yilda ko‘plab o‘zbek shou-biznes vakillarining ota-ona bo‘lish baxtiga musharraf bo‘lishdi.
Shohruxxon va Asal Shodiyeva
Yulduzli juftlik 12-yanvar kuni ikkinchi bor ota-ona bo‘lish baxtiga erishishdi. Ular Turkiyada dunyoga kelgan o‘g‘illariga Baxtiyor deb ism qo‘yishdi.
Akbarxo‘ja Rasulov
Iste’dodli aktyor Akbarxo‘ja Rasulov esa 16-yanvar kuni ikkinchi bor ota bo‘ldi. Hozirgi kunda uning qiz va o‘g‘il farzandlari bor.
“Allohning izni bilan o‘g‘il farzandli bo‘ldik. Xursandchiligimizga sherik bo‘lib, duolaringizga eslab qo‘yarsiz”, — deydi aktyor.
Dilso‘z
Xonanda Dilso‘z 4-aprel kuni to‘rtinchi bor ona bo‘ldi. U o‘g‘liga Muhammadusmon deb ism qo‘ydi. Ayni kunlarda xonanda ikki qiz va ikki o‘g‘il farzandlarni voyaga yetkazmoqda.
Madina Tursunova
Seriallardagi ishtiroki bilan tomoshabinlarga yaxshi tanish bo‘lgan juftlik Madina va Mahmud Tursunovalar 8-aprel kuni qiz farzandli bo‘lishdi.
Imron
“Yomon qiz”ni yaxshi ko‘ruvchi xonanda Imron 30-aprel kuni qiz farzandli bo‘ldi. U qiziga Safiyasulton deb ism qo‘ygan.
“Assalomu alaykum, qadrdonlar! Alloh menga qiz farzand berdi. Ota bo‘ldim, Allohga shukr! Quvonchim cheksiz. Xush kelding, qizim Sofiyasulton! Umring uzoq, rizqing butun bo‘lsin!”, — deya xabar qoldirdi Imron.
Bahora Arslonova
Aktrisa Bahora Arslonova ham bu yil ikkinchi bor ona bo‘ldi. U o‘g‘liga Halidni 15-may kuni dunyoga keltirdi. Ayni kunlarda aktrisa qizi Validaxon va o‘g‘li Halidning parvarishi bilan band.
Ulug‘bek Shodibekov
Mittime vaynerlar jamoasi a’zosi Ulug‘bek Shodibekov ham bu yil ikkinchi bor otalik sharafiga erishdi. 14-iyul kuni qiz farzandli bo‘lganligini ma’lum qildi.
Ma’ruf Muhammedov
Tomoshabinlarga salbiy rollari bilan yaxshi tanish bo‘lgan aktyor Ma’ruf Muhammedov 27-iyul kuni ikkinchi bor ota bo‘lganligini ma’lum qildi. Ayni damda uning qiz va o‘g‘il farzandlari bor.
Yulduz Nizomova
“Nihol” nomidagi davlat mukofoti sovrindori Yulduz Nizomova 9-avgust kuni o‘g‘il farzandli bo‘ldi. U farzandiga Yusuf deb ism qo‘ydi.
Aziza Nizomova
Xonanda va aktrisa Aziza Nizomova 24-avgust kuni ilk marta ona bo‘ldi. U ayni kunlarda qizalog‘ining parvarishi bilan band.
Kaniza
Yakunlanayotgan yil xonanda Kaniza uchun ham quvonchlarga boy bo‘ldi. U oila qurdi va yil yakunida farzandli bo‘lishga ham ulgurdi. Xonanda qizalog‘iga Aisha deb ism qo‘ydi.
Oyxon Iforzoda
Ikkinchi dekabr kuni san’atimizdagi yana bir yulduzli juftlik farzandli bo‘lishdi. Ya’ni boshlovchi Shoh Alimovich va aktrisa Oyxon Iforzoda qiz farzandli bo‘lishganini ma’lum qilishdi. Ular yaxshi niyatlar bilan farzandiga Zebo deya ism qo‘ydi.
Aziz Rametov
Aktyor Aziz Rametov 15-dekabr kuni ilk marta ota bo‘ldi. Bu quvonchli xabardan aktrisa Saida Rametova nihoyatda xursand ekanligini, bu uning oltinchi nabirasi ekanligini ma’lum qildi.
Izoh (0)