Uzoq kutilgan bayramga ham oz fursat qoldi: Yangi yil uchun bezatilgan ko‘chalar, archa daraxtlari o‘zgacha kayfiyat bag‘ishlaydi. Yaqinlar uchun sovg‘alar xarid qilinsa-da, lekin bayramona kayfiyat hali paydo bo‘lmagan bo‘lsa, ularni filmlardan topish mumkin. The Symbol nashri bayramona kayfiyat ulashuvchi filmlar nomini sanab o‘tdi.
“Kuperlar oilasi” (2015)
Ushbu komediya oila, sevgi va odamlar haqida. Voqea yil bo‘yi bir-birini ko‘rmagan va an’anaviy tarzda Rojdestvoni birga nishonlashni xohlaydigan Kuperlar oilasi atrofida sodir bo‘ladi. Lekin ularning bayrami ko‘ngildagidek o‘tmaydi, buning barchasi oila a’zolar o‘rtasidagi nosamimiy munosabatlar tufayli.
“Oilaparvar" (2000)
2000-yillarning klassik Yangi yil filmi. Boy, lekin yolg‘iz hayot kechirayotgan qahramon haqidagi ta’sirli hikoya. Lekin bir kuni Qorbobo yordami bilan hamma narsa o‘zgaradi. U to‘satdan barcha pullarini yo‘qotadi, lekin oilasini topadi. Filmda bosh rolni Nikolas Keyj ijro etgan. “Oilaparvar” esa bayram shukuhini his qilish va dam olish uchun ajoyib tanlovdir.
“Yangi yilning 12 sanasi” (2011)
Haqiqatan ham sevib tomosha qilinadigan komediya, garchi u 2011-yilda suratga olingan bo‘lsa ham. Yangi yil arafasida sevgilisi bilan ajrashgan qiz mo‘jiza bilan bu kunni yana yashash imkoniyatiga, hamma narsani tuzatishga erishadi. Rojdestvoda har qanday istak amalga oshishi mumkin bo‘lgan samimiy hikoya.
“Yangi yil almashinuvi” (2011)
Film nomi va syujeti bo‘yicha Kameron Diaz ishtirokidagi taniqli “Ta’til almashinuvi” filmiga o‘xshaydi. Ammo baribir, bu butunlay boshqacha hikoya. Bosh qahramon boshqa shaharda tahsil olayotgan qizini Rojdestvo arafasida ajablantirishga qaror qiladi va buning uchun u mahalliy professor bilan uyini almashtiradi. Biroq u qizining yigiti bilan sayohatga ketganini bilib oladi, lekin tasodifan o‘zi ham bir inson bilan uchrashadi va uni sevib qoladi.
“To‘rt Yangi yil” (2008)
Vins Von va Riz Uizerspun ishtirokidagi mashhur Gollivud komediyasi. Ular uch yildan beri uchrashadi, lekin turmush qurishga shoshilmaydi. Hammasi ota-onalari tufayli: ikkisining ham ota-onasi ajrashib, turmush qurgan. Shuning uchun jami bosh qahramonlar Rojdestvoda tashrif buyurish uchun to‘rtta oilaga ega. Buning o‘rniga ular ta’tilga chiqishga qaror qiladi. lekin yomon ob-havo tufayli parvoz bekor qilinadi. Filming keyingi voqealarini bilmoqchi bo‘lsangiz, albatta, tomosha qilib ko‘ring.
Izoh (0)