Якунланаётган йилда кўплаб ўзбек шоу-бизнес вакилларининг ота-она бўлиш бахтига мушарраф бўлишди.
Шоҳруххон ва Асал Шодиева
Юлдузли жуфтлик 12 январь куни иккинчи бор ота-она бўлиш бахтига эришишди. Улар Туркияда дунёга келган ўғилларига Бахтиёр деб исм қўйишди.
Акбархўжа Расулов
Истеъдодли актёр Акбархўжа Расулов эса 16 январь куни иккинчи бор ота бўлди. Ҳозирги кунда унинг қиз ва ўғил фарзандлари бор.
«Аллоҳнинг изни билан ўғил фарзандли бўлдик. Хурсандчилигимизга шерик бўлиб, дуоларингизга эслаб қўярсиз», — дейди актёр.
Дилсўз
Хонанда Дилсўз 4 апрель куни тўртинчи бор она бўлди. У ўғлига Муҳаммадусмон деб исм қўйди. Айни кунларда хонанда икки қиз ва икки ўғил фарзандларни вояга етказмоқда.
Мадина Турсунова
Сериаллардаги иштироки билан томошабинларга яхши таниш бўлган жуфтлик Мадина ва Маҳмуд Турсуновалар 8 апрель куни қиз фарзандли бўлишди.
Имрон
«Ёмон қиз»ни яхши кўрувчи хонанда Имрон 30 апрель куни қиз фарзандли бўлди. У қизига Сафиясултон деб исм қўйган.
«Ассалому алайкум, қадрдонлар! Аллоҳ менга қиз фарзанд берди. Ота бўлдим, Аллоҳга шукр! Қувончим чексиз. Хуш келдинг, қизим Софиясултон! Умринг узоқ, ризқинг бутун бўлсин!», — дея хабар қолдирди Имрон.
Баҳора Арслонова
Актриса Баҳора Арслонова ҳам бу йил иккинчи бор она бўлди. У ўғлига Ҳалидни 15 май куни дунёга келтирди. Айни кунларда актриса қизи Валидахон ва ўғли Ҳалиднинг парвариши билан банд.
Улуғбек Шодибеков
Миттиме вайнерлар жамоаси аъзоси Улуғбек Шодибеков ҳам бу йил иккинчи бор оталик шарафига эришди. 14 июль куни қиз фарзандли бўлганлигини маълум қилди.
Маъруф Муҳаммедов
Томошабинларга салбий роллари билан яхши таниш бўлган актёр Маъруф Муҳаммедов 27 июль куни иккинчи бор ота бўлганлигини маълум қилди. Айни дамда унинг қиз ва ўғил фарзандлари бор.
Юлдуз Низомова
«Ниҳол» номидаги давлат мукофоти совриндори Юлдуз Низомова 9 август куни ўғил фарзандли бўлди. У фарзандига Юсуф деб исм қўйди.
Азиза Низомова
Хонанда ва актриса Азиза Низомова 24 август куни илк марта она бўлди. У айни кунларда қизалоғининг парвариши билан банд.
Каниза
Якунланаётган йил хонанда Каниза учун ҳам қувончларга бой бўлди. У оила қурди ва йил якунида фарзандли бўлишга ҳам улгурди. Хонанда қизалоғига Аиша деб исм қўйди.
Ойхон Ифорзода
Иккинчи декабрь куни санъатимиздаги яна бир юлдузли жуфтлик фарзандли бўлишди. Яъни бошловчи Шоҳ Алимович ва актриса Ойхон Ифорзода қиз фарзандли бўлишганини маълум қилишди. Улар яхши ниятлар билан фарзандига Зебо дея исм қўйди.
Азиз Раметов
Актёр Азиз Раметов 15 декабрь куни илк марта ота бўлди. Бу қувончли хабардан актриса Саида Раметова ниҳоятда хурсанд эканлигини, бу унинг олтинчи набираси эканлигини маълум қилди.
Изоҳ (0)