Chiqindixonadan topib olgan chaqaloqni o‘z farzandidek voyaga yetkazgan Mithun Chakraborti haqida

Mahoratli hind aktyori Mithun Chakraborti hatto hind kinosini tomosha qilmaydiganlarga ham tanish. 80-yillarning mashhur “Disko raqqosi” filmining aktyori chiqindidan topilgan qizni asrab olganda, allaqachon mashhurlikka erishgan va badavlat inson bo‘lgan, deb yozadi “Noviy ochag”.

Uning muvaffaqiyatga erishishi oson bo‘lmagan: yoshligida hukumatga qarshi harakatlarda ishtirok etish Mithunni ota-onasining uyini tashlab, Bombeyga qochishga majbur qildi. U yerda aktyorlik bo‘limiga o‘qishga kirishga qaror qilgunga qadar uzoq vaqt oddiy sotuvchi bo‘lib ishladi. Kambag‘al oiladan bo‘lgan yigitni universitetga qabul qilinmadi, lekin u o‘zining ajoyib iste’dodi bilan bu sohaga tasodifan kelib qolmaganini isbotladi.

Ammo oliy ma’lumot ham muvaffaqiyat kafolati emas. “Qirollik ovi” filmidagi yorqin roldan keyin Mithunga uzoq vaqt davomida munosib hech narsa taklif qilinmadi. Aytishlaricha, aktyor hatto ikki kun ovqat yemagani uchun jurnalistga ilk intervyusini bir tarelka guruch evaziga bergan.

80-yillarda “Disko raqqosi” filmi chiqqandan so‘ng Chakraborti haqiqiy mashhurlikka erishdi: u nafaqat Hindistonda, balki boshqa mamlakatlarda ham hurmatga sazovor bo‘ldi. So‘ngra Mithun o‘z sevgilisiga turmush qurishni taklif qildi: model Xelena Lok u bilan uzoq vaqt davomida muvaffaqiyatsizliklar va pul yetishmovchiligini boshdan kechirgandi.

Xuddi kino sohasida bo‘lgani kabi omad unga bir urinishda kulib boqmadi. Xelena bilan nikoh qisqa muddatli bo‘lib, juftlik 2 yildan keyin ajraldi. Aktyorning navbatdagi umr yo‘ldoshi uning hamkasbi, hind aktrisasi Yogita Bali edi. Ular uch nafar o‘g‘il farzandli bo‘ldi. Mithun nihoyat uzoq orzu qilgan hamma narsaga erishgan edi: muvaffaqiyat, oila, muhabbat.

Ammo hayot uning kasbiga munosib kutilmagan sovg‘a tayyorladi. Yaxshi kunlarning birida Mithun chiqindi qutisida qoldirib ketilgan chaqaloqni ko‘rib qoldi. U bunga ko‘z yumib keta olmadi. Ota-onasi tomonidan chiqindixonaga tashlangan qizaloq Dishani aktyorning to‘rtinchi farzandi aylandi.

Dishani akalarining suyukli singlisi, ota-onasining erkatoy qizi sifatida oilaga qabul qilindi. U hatto otasini o‘zining hikoyasi asosida film yaratishga ilhomlantirdi: “Oila” filmi chiqindidan topib olingan qiz haqida hikoya qiladi.

Hozirda Chakraborti deyarli filmlarda rol o‘ynamaydi va ko‘proq biznes bilan shug‘ullanadi: Mithun Hindistondagi mehmonxonalar tarmog‘ining egasi. Ammo o‘z muxlislari uchun u hali ham yosh disko raqqosi va ulkan yurakka ega ota sifatida hurmatga loyiq inson sifatida e’zozlanadi.