“Ayriliq”, “Salom sevgi”, “Egizak oshiqlar” filmlari va “Yuraklar jangi” serialidagi ijrosi bilan muxlislarga yaxshi tanish bo‘lgan aktrisa Sitora Alimjonova “M Kokteyl” ko‘rsatuviga bergan intervyusida shaxsiy hayotini sir tutish sababi, turmush o‘rtog‘i bilan munosabati, “Sevgi” serialidagi voqealar hayotiga o‘xshab ketishi, onasi oqqon bo‘lgani, o‘g‘lining kelajakda aktyor bo‘lishiga qarshi ekani, uni sportchi qilish niyati borligi haqida gapirib berdi.
“Shaxsiy hayotimda hech qanday o‘zgarish yo‘q”
Hayotda hamma narsa bo‘lar ekan, shaxsiy hayot haqida hadeb gapiraversa, qizig‘i qolmaydi. Hozirda Muhammadaminning otasi bilan aloqasi bor, faqat ko‘rishib turadi. Shaxsiy hayotimda hech qanday o‘zgarish yo‘q, borimni bolam va ijodga bag‘ishladim.
“Farzandimni yaxshi tarbiyalab, O‘zbekiston futbolini jahon chempionatiga olib chiqadigan darajada futbolchi qilmoqchiman”
Hech qachon o‘g‘limni aktyor qilmayman. Uning muxlislari san’atdan emas, sportdan bo‘lsin. Hattoki bolam tug‘ilmagan paytda ham bitta sportchi o‘g‘lim bo‘ladi deb niyat qilardim. Bo‘lganda ham butun dunyo taniydigan mashhur sportchi bo‘ladi, deganman. Farzandimni yaxshi tarbiyalab, O‘zbekiston futbolini jahon chempionatiga olib chiqadigan darajada futbolchi qilmoqchiman. Hozir bor xatti-harakatimni shunga qaratganman.
“Onam oqqon kasalligiga chalingan edi, “Sevgi” serialidagi shu sahnalar mening hayotimga juda o‘xshash”
Farzandimni dunyoga keltirganimdan keyin depressiyaga tushib qoldim. Mana shu narsa menda bo‘lmaydi, deb o‘ylagan edim. O‘sha paytlari juda ko‘p onamni esladim. Suratga olish jarayonlariga borsam, bolamni onamga tashlab keldim, degan gaplarni eshitib qolaman. Hayotda har bir insonning bir armoni bo‘lar ekan. Shunaqa paytda onamning yo‘q bo‘lgani butun umrlik armonim bo‘lib qolsa kerak. Onam oqqon kasalligiga chalingan edi, “Sevgi” serialidagi shu sahnalar mening hayotimga juda o‘xshash. Onam bitta joyda yotgan, hech qayeri ishlamagan, qaraganman.
Mavzuga doir:
- Instagram: O‘zbekistonni tark etmaydigan Yulduz Usmonova, shaxsiy biznesini yo‘lga qo‘ygan Ziyoda, turmushidan ajrashgan Sitora Alimjonova.
- Instagram: Munisa Rizayeva aldov qurboni bo‘ldi, Sitora Alimjonova o‘g‘lining tug‘ilgan kunini Dubayda nishonladi, Nilufar Usmonova necha marta turmushga chiqqan?
- Sitora Alimjonova farzand ko‘rish uchun 4 yil davolangani hamda tug‘ruq jarayonida ko‘zi ko‘rmay qolgani haqida so‘zlab berdi (video).
Izoh (0)