Ayollar 30 yoshdan oshgandan keyin nafaqat vazn orttirmasligi uchun, balki turli xil kasalliklar xavfi tufayli ham parhezga e’tiborli bo‘lishi kerak. Endokrinolog-vrach Alina Alkasheva ayollar salomatligiga zarar yetkazadigan, parhezga kiritishda ehtiyot bo‘lish kerak bo‘lgan mahsulotlar ro‘yxatini e’lon qildi. Mutaxassis ushbu mahsulotlarning xavfli ekanini ta’kidladi, chunki ularni uzoq vaqt davomida iste’mol qilish noxush oqibatlarga olib kelishi mumkin.
Mutaxassis Alkasheva ayollarga shakarni ko‘p miqdorda iste’mol qilmaslikni tavsiya qildi, chunki shakar vazn ortish xavfini yuzaga keltirishi, insulin bilan bog‘liq muammolarni yuzaga chiqarishi, yurak-qon tomir kasalliklari, polikistik tuxumdon sindromi va aterosklerozga olib kelishi mumkin.
Shuningdek, shakar yuz terisiga yomon ta’sir ko‘rsatadi: u kollagen ishlab chiqarishni to‘xtatadi va erta qarishga olib keladi. Endokrinolog ayollar uchun oddiy uglevodlarning eng xavfsiz sutkalik miqdori 50 gramm ekanini aniqladi.
Endokrinolog-vrach spirtli ichimliklardan voz kechishni maslahat berdi. Uning ta’kidlashicha, etil spirti ichak mikroflorasiga zaharli ta’sir ko‘rsatadi va vitaminlar, minerallar, yog‘lar, oqsillar, uglevodlarning so‘rilishini buzadi.
Shifokorning ro‘yxatida barcha sutli mahsulotlar ham keltirilgan, chunki sutning tarkibida ko‘p miqdorda insulin ishlab chiqarishni qo‘zg‘atadigan laktoza mavjud. Bu yuz terisida shish va husnbuzarlarning chiqishi bilan namoyon bo‘ladi.
Mavzuga doir:
- Grippni tezroq yengish uchun nima iste’mol qilish kerak? Ratsionga kiritish tavsiya etiladigan mahsulotlar.
- Qay vaqtda solishingizga qarab taomning mazali bo‘lishini belgilab beradigan mahsulotlar.
- Kunlik ratsiondan o‘rin olishi shart bo‘lgan foydali mahsulotlar.
- Qishda iste’mol qilish tavsiya etilmaydigan mahsulotlar.
Izoh (0)