Shirin hidni his qilish va boshqalarni hayratda qoldirish uchun yarim shisha atirni ishlatadigan davrlar o‘tdi. Oson usullar yordamida terida atirni uzoq vaqt davomida saqlab qolish mumkin. AdMe nashri atirni to‘g‘ri saqlash va qo‘llash bo‘yicha qoidalarni taqdim etdi.
Parfyumni nam teriga seping
Quruq teri hidni saqlamaydi, shuning uchun mutaxassislar hidsiz, tana uchun foydalaniladigan moylarni qo‘llagandan keyin atir sepishni maslahat beradi. Namlangan teri atirni yaxshiroq “qabul qiladi — hid 2-3 baravar ko‘proq vaqt davomida saqlanib turadi.
Dushdan keyin darholparfyumdan foydalaning
Agar dushdan so‘ng darhol atirdan foydalansangiz, hid uzoqroq saqlanib turadi. Parfyum bug‘langan teriga yaxshi yopishadi. Dushdan so‘ng darhol va uydan chiqishdan oldin atir seping va bu kun bo‘yi yoqimli hidni his qilishingizga yordam beradi.
Atir sepgan joyingizni ishqalamang
Ayollarning eng ko‘p uchraydigan xatolaridan biri bu atirni bilaklariga sepish va uni yengil ishqalashdir. Bu esa atirning yaxshiroq so‘rilishiga yordam beradi, deb o‘ylashadi. Aslida, ishqalash hidning tez yo‘qolishiga sabab bo‘ladi. Ishqalanishdan keyin teri qiziydi va hidni o‘zgartiradigan tabiiy fermentlarni ishlab chiqaradi.
Xushbo‘y hidning yaxlitligini saqlab qolish uchun parfyumerlar atirni teridan 25-30 sm masofada sepishni va ishqalamaslikni maslahat berishadi.
Parfyumning konsentratsiyasiga e’tibor bering
Xushbo‘y hidning saqlanib turishi nafaqat uni qo‘llash usuliga, balki tarkibiy qismlarga, shuningdek, kompozitsiyadagi parfyum va spirtning nisbatiga ham bog‘liq. “Parfyum” yorlig‘i bo‘lgan idishli atirlar eng yuqori xushbo‘y konsentratsiyaga ega.
Xushbo‘y hid qanchalik konsentratsiyalangan bo‘lsa, u shunchalik uzoq vaqt davomi saqlanib turadi va atirni kamroq, tez-tez qo‘llash kerak bo‘ladi. Bu holatda parfyumeriyani ikki marta sepish kifoya qiladi.
Atirni dezodarant bilan birga ishlatmang
Sevimli dezodorantingizni qanchalik yaxshi ko‘rsangiz ham, uni atir bilan birga qo‘llamang. Atirdan foydalanish uchun hidsiz dezodorantni tanlagan ma’qul.
Atirni puls nuqtalariga seping
Parfyum odatda pulsni aniqlaydigan nuqtalarga qo‘llanilsa, uning hidi uzoq vaqt saqlanib qoladi. Bu joylarda tana harorati biroz yuqoriroq, shuning uchun hid yaxshiroq tarqaladi va saqlanadi.
Mutaxassislar sevimli xushbo‘y atiringizni bilaklar, quloqlar orqasi, chakkalar, bo‘yin, tirsaklar yoki tizzalar orqasiga qo‘llashni maslahat beradi.
Vazelindan foydalaning
Vazelin hidlarni juda yaxshi ushlab turadi. Buning siri uning yog‘li asosida, u atirning hidi yo‘qolishiga yo‘l qo‘ymaydi. Agar bilaklaringizga, bo‘yiningizga va quloqlaringiz orqasiga ozgina vazelin surtib, bu joylarga atir sepsangiz, kechqurungacha xushbo‘y hid yo‘qolmaydi.
Taroqqa atir seping
Atirni sochlarga qo‘llash zararli. Tarkibida spirt bo‘lgan atirlar sochning qurishiga sabab bo‘ladi. Agar sochlaringizda xushbo‘y hid kelib turishini istasangiz, sochingizga tarkibida alkogol bo‘lmagan atirlarni sepishingiz yoki atirni taroqqa sepib foydalanishingiz mumkin.
Losyon yoki qo‘l kremga atir qo‘shing
Sevimli atiringizni losyonga yoki qo‘l kremiga qo‘shishingiz mumkin. Shunday qilib, foydali mahsulotdan sevimli atiringizning hidi keladi: teriga g‘amxo‘rlik qiling va xushbo‘y hiddan bahramand bo‘ling.
Atirlarni saqlash bo‘yicha qoidalarga rioya qiling
Atir hidining saqlanib turishi atrof-muhit ta’siriga ham bog‘liq. Haroratning keskin o‘zgarishi tabiiy mahsulotlarda kimyoviy reaksiyalarga olib kelishi mumkin va bunday holatda atir tezda hidini yo‘qotadi.
Ultrabinafsha nurlar suyuqlik rangini o‘zgartirib, amberni yashil rangga aylantirishi mumkin. Parfyumerlar atirni xona haroratida qutilarda saqlashni tavsiya qiladi.
Atir bilan namlangan paxtadan foydalaning
Tashqarida bo‘lganingizda xushbo‘y hidni “yangilash” uchun atirni oldindan bir nechta paxta yostiqchalariga seping va ularni nam holatda polietilen paketga soling. Ularni o‘zingiz bilan olib yuring va kun davomida foydalaning.
Kichikroq idishlarni tanlang
Atir qanchalik qimmat bo‘lmasin, uni munzatam ishlatib turish kerak. Yarim bo‘sh shishani uzoq muddatda saqlash kislorodning atir tarkibi molekulalarini asta-sekin yo‘q qilishiga, uning tarkibini o‘zgartirishiga olib keladi. Atirni 3 oygacha ishlarish mumkin. Parfyumeriyalarni kichikroq idishga quyib, muzlatgichga qo‘yish orqali uzoqroq saqlasa bo‘ladi. Yangi atirdan ko‘ra kichik idishlarni sotib olish osonroq.
Mavzuga doir:
- Moychechak va muz, atir va vazelin: sinovdan o‘tgan go‘zallikka oid layfxaklar.
- Atir hidini uzoq saqlab turish uchun nima qilish kerak?
- Ifori uzoq vaqtgacha turadigan atir tanlashda nimalarga e’tibor berish kerak?
- Uy uchun atir: xonadondan hamisha xushbo‘y hid taralib turishi uchun nima qilish kerak?
Izoh (0)