Oshxonani “qulaylik oroli”ga aylantirishga yordam beradigan layfxaklar (foto)

Oshxona bu — ayollar eng ko‘p vaqt sarflaydigan joy. Nonushta, tushlik va kechki ovqatlarni tayyorlash, bir piyola issiq choy va yoqimli suhbat, idishlarni yuvish va mahsulotlarni saralash — barchasini zavq bilan amalga oshirish uchun, albatta, bir qancha qulayliklar kerak. AdMe nashri oshxonani qulayliklar oroliga aylantirishga yordam beradigan layfxaklar bilan bo‘lishdi.

Qahva tayyorlash uchun moslamalar

Statistikasiga ko‘ra, dunyo aholisining taxminan 30-40 foizi har kuni qahva ichadi. Shuning uchun oshxonada uni tayyorlash uchun moslamalarga ega bo‘lish — uy bekasining yana bir yutug‘i. Qahva ichishni yoqtirmaydiganlar ham mehmonlarga uni, albatta, taklif qiladi. Buning uchun atayin qahva maydalagich sotib olishga hojat yo‘q. Shunchaki, qahvani qaynatish uchun idishlar bo‘lsa kifoya.

Taxtakachlar

Eng qulay, gigiyenik taxtakach yog‘och hisoblanadi. Buning sababi shundaki, yog‘och oziq-ovqat bakteriyalarining qoldiqlarini suv bilan yuvgandan keyin chiqib ketadi va bakteriyalarning ko‘payishiga yo‘l qo‘ymaydi. Bundan tashqari, taxtalar nafaqat funksional, balki estetik hamdir. Ular oshxona dekoratsiyasiga go‘zallik qo‘shadi.

Xushbo‘y chiroq

Oshxonadagi hidni yo‘q qilishning ko‘plab usullari mavjud. Buni soda, sirka yoki limon kabi oddiy vositalar yordamida amalga oshirish mumkin. Shuningdek, oshxona uchun g‘ayrioddiy tanlov qilish va xushbo‘y chiroqdan ishlatsa ham bo‘ladi. Bu nafaqat har kuni xushbo‘y hid taratadi, balki efir moyi hissiy holatni ham yaxshilaydi.

Don mahsulotlari uchun stikerli idishlar 

Oziq-ovqat mahsulotlarini saqlash uchun idishlar to‘plami oshxonada joyni tejaydi va kerakli narsalarni topishni osonlashtiradi. Ayniqsa shaffof bankalarga don yoki mahsulot nomlari yozilgan stikerlar yanada tartibli ko‘rinadi.

Ziravorlar uchun idishlar

Ovqat tayyorlashda kerak bo‘lishi mumkin bo‘lgan barcha ziravorlarni qulay idishlarga joylashtirish mumkin. Albatta, ziravorlarni bir xil paketlarda saqlash mumkin. Ammo kichkina bankalarni sotib olish, ularga barcha ziravorlarni solish va maxsus stikerlarni yopishtirish yanada qulay bo‘lishi tabiiy.

Ko‘katlar uchun idishlar to‘plami

Quritilgan ko‘katlarni havo o‘tkazmaydigan idishlarda saqlash yaxshidir. Buning uchun oddiy shisha idishlardan foydalanish mumkin. Konteynerlar quyosh nuri tushmaydigan quruq, salqin joyda saqlash tavsiya etiladi.

Sho‘rva uchun ajoyib idish

Kechki ovqat ajoyib bo‘lishi uchun noodatiy idishlarda taomlarni tortish mumkin. Asrlar davomida sho‘rvalar turli xil idishlarda tortiq qilingan. Mehmonlar, albatta, ovqatni taqdim etishning bunday nostandart usulidan hayratda qoladi.

Oshxona dizayniga mos keladigan gilam

Oshxonaga gilam solish g‘oyasi darhol paydo bo‘lmasligi mumkin, chunki u yerda chang va yog‘dan gilam tezda yomon holatga keladi. Ammo gilam oshxona dizayniga o‘zgacha ko‘rk bag‘ishlaydi.

Limonad idishi

Kun davomida hamma suv ichadi. Agar suvga sitrus meva qo‘shilsa, u ta’m va foydani ham oshiradi. Detoks suvida vitaminlar mavjud. Mevalardagi C vitamini immunitet tizimiga foydali ta’sir ko‘rsatishi isbotlangan. Bu ovqat hazm qilishga yordam berishning yaxshi usuli. Albatta, ichida yorqin mevalar bo‘lgan limonad oshxona dizaynini jonlantiradi.

Oziq-ovqat mahsulotlarini muzlatkichda saqlash uchun idishlar to‘plami

Oziq-ovqat mahsulotlarini muzlatkichda saqlash uchun xavfsizlik standartlariga javob beradigan idishlar to‘plamini sotib olish muhimdir.  Oziq-ovqat mahsulotlari uchun maxsus to‘plam muzlatkichda ko‘proq narsa saqlashga yordam beradi.

Sabzavotlarni sotib olish va saqlash uchun qayta ishlatiladigan sumkalar

Kundalik hayotda plastmassani kamaytirishning yana bir zamonaviy usuli — sabzavot va mevalarni sotib olish va saqlash uchun bir nechta qayta ishlatiladigan sumkalarni sotib olish. Ular joyni tejashga yordam beradi. Bundan tashqari, sumkalar oshxonaga mos ravishda tanlanishi mumkin.