Ko‘plab ayollar Yangi yil bayramida yaqinlarini eng yaxshi retseptlar bilan xursand qilishni istaydi va mazali yeguliklar, shirinliklar tayyorlaydi, ularning aksariyati esa yuqori kaloriyaga ega bo‘ladi. Biroq ayrim yeguliklar, taomlar va shirinliklar qomatga zarar yetkazmaydi. Lisa nashri shu kabi shirinliklarning ro‘yxatini taqdim etdi.
Biskvitsiz tort
Biskvitsiz tort — bu chinakam oshpazlik ixtirosi. Birinchidan, bu tortni tayyorlashga ko‘p vaqt ketmaydi, chunki shirinlik tayyor keks, pechenye yoki zefir yordamida tayyorlanadi. Ikkinchidan, biskvitsiz shirinliklarning tarkibi chiroyli qomatning asosiy “dushmanlari” bo‘lgan un, sariyog‘ va shakarni o‘z ichiga olmaydi, biroq unga foydali past kaloriyali mahsulotlar: tvorog, rezavor mevalarni ishlatish mumkin. Ko‘plab uy bekalari biskvitlarni jelatin yordamida pishirmasdan tayyorlaydi, shuning uchun shirinlik yengil va ortiqcha kaloriyalarsiz bo‘ladi.
Yogurtli tort
Yogurtli tortlar past kaloriyali shirinliklar qatoriga kiradi, chunki ular tabiiy fermentlangan sut mahsulotlaridan tayyorlanadi. Shirinlikni tayyorlash uchun bitta keks kerak bo‘ladi, bunga juda ko‘p miqdorda un, sariyog‘ va shakar kerak bo‘lmaydi. Kam yog‘li yogurtdan foydalaning va idishga ekzotik mevalarni soling. Bunday sog‘lom va mazali desertni iste’mol qilgandan keyin xohlagancha ovqatlanish mumkin.
Tvorog va rezavor mevali parfe
Tvorog va rezavor mevali parfe — mazali, o‘ziga xos Yangi yil shirinligi hisoblanadi. Bu mazali muzlatilgan desertga ko‘pirtirilgan qaymoq, tuxum oqi va sarig‘i, shuningdek, har qanday rezavor mevaning murabbosi qo‘shiladi. Biskvitning o‘rniga kam yog‘li tvorog, bezatish uchun esa rezavor mevalar yoki tayyor murabbo kerak bo‘ladi. Shirinlikni uch-to‘rt soat davomida muzlatkichga joylashtirib, sovitilgan holda dasturxonga tortish mumkin.
Uyda tayyorlanadigan konfetlar
Mazali konfetlarni uyda o‘n daqiqada tayyorlash mumkin. Biroq, asosiysi, bunday yengil va oddiy desert qomatga umuman zarar yetkazmaydi, chunki uning tarkibida faqat uchta mahsulot: asal, kokos qirindisi va kivi mavjud bo‘ladi. Konfetni tayyorlash uchun, dastlab kivini blender yordamida maydalang va bir necha osh qoshiq asal qo‘shing. Ularni kokos qirindisiga solib, dumaloq shaklga keltiring. Konfetlarni to‘rt soat davomida muzlatkichga qo‘ying. Eng oddiy va juda kam kaloriyali Yangi yil shirinligi tayyor.
Qovoqli pirog
Yana bir kam uglevodli ajoyib desert — qovoqli pirog. Uni tayyorlash uchun pishirilgan qovoq pyuresi, shuningdek qo‘shimcha mahsulotlar: ozgina un, kakao kukuni va ikki dona tuxum kerak bo‘ladi. Qovoqli pirogni rezavor mevalar yoki yogurt bilan dasturxonga tortish mumkin. Shirinlik oson tayyorlanadi va uncha ko‘p mahsulotni talab qilmaydi.
Rafaello
Rafaello o‘z qomatiga zarar yetkazishni istamaydigan, biroq Yangi yil arafasida mazali shirinliklarsiz qolishni istamaydigan insonlar uchun juda mos keladi. Mahsulotning asosi mayiz va banan qo‘shilgan, ezilgan jo‘xori unini o‘z ichiga oladi. Shundan keyin aralashma kokos yong‘og‘i qirindisiga solinadi va iste’mol qilinadi. Rafaello shirin va mazali, biroq ularni minimal miqdorda yegan ma’qul.
Mavzuga doir:
- Vafli, marmelad va butunlay voz kechish tavsiya etiladigan boshqa ommabop shirinliklar.
- Shirinliklar, yogurt, banan va och qoringa iste‘mol qilish tavsiya etilmaydigan boshqa mahsulotlar.
- Shirinliklar bilan parhez: Vazn tashlayotganda nimalar bilan tamaddi qilsa bo‘ladi?
- Ratsiondan chiqarish tavsiya etiladigan yuqori kaloriyaga boy zararli shirinliklar (foto).
Izoh (0)